هامسەرۆکاو فراکسیۆنو دەم پارتی گوڵستان کلیچ کۆچیگیتە و سەزایی تەمەلی و ژمارێوە جە پەرلەمانتارا پارتەکەی جە دژو گۆشەگیری سەرو رابەر ئاپۆی، جەنگی و نیایرەو قەیومی چالاکی ناڕەزایشا ئەنجامدا.

پەرلەمانتارا جە بیناو فراکسیۆنەکاوە تا وەردەم و بەرەو پێشوازی پەرلەمانی ڕاپیمایشا کەرد و دژو نیایرەو قەیومی و سیاسەتەکاو رەڎکەردەیۆ هامسەرۆکایەتی چن دروشمێوەشا هۆرگێرتەبۍ، چانیشا "نا پەی قەیومی، بەڵێ پەی دیموکراسی"، و "هامسەرۆکایەتی هێڵۊو مۆرو ئێمەنە".

جە چالاکییەکەنە سەزایی تەمەلی قسێش کەرڎۍ و ئاماژەش بە چالاکییەکەیشا جە ۋەردەمو وەزارەتو دلێینەینە کەرڎ و ئەرەیاۋناش، ئا تاوانۍ چا مکریا شەرمەزارێما کەردۍ، بە پاگیریوە ۋەرا ۋەر بە دەستوری هەمیشەیی تاوانە مکەرا. مافو دەنگدەری و هۆرچنیایا پاشێل مکەرا. قەیومی ڕەڎ مکەرمێوە و دژو کودەتای مردمێوە، جە کاتێنە مافو دەنگدەرا و هۆرچنیایا پاشێل مکەرا، چنین متاوا واچا پارتێوە تورکیاینۍ".

تەمەلی ئانەیچش وست ڕووە، کە نەک هەر جە دژو قەیومی، بەڵکم جە دژو جەنگی و گۆشەگیری جە گرڎو مېڎانەکانە مڎرامان مکەرا. جە درێژەنە سەبارەت بە بانگەشەکا جە بارەو دیڎاری چنی رابەر ئاپۆی و داواکارییەکا کە ئاراسەو وەزارەتو دادی کریێنۍ، تەمەلی واتش، "ماچا هەنگامە منیەیمۍ، بەڵام حیج هەنگامېوەشا نەنیێنە. کاتی گونجیا کەیا؟ چ کۊسپۍ ئینا ۋەردەمو ئا هەنگامێنە؟ گرڎ مزانا کاتێ ئا هەنگامۍ بنریۆ، بەرەکۍ بکریاوە و ئۆجالان قسۍ بکەرۆ، هیواو ئاشتیی کۆمەڵایەتی گۆرە مەبۆ".

دماتەر پەرلەمانتاراو دەم پارتی پەی ماوەو سەعاتۍ چالاکی ئەرەنیشتەیشا سازکەرڎ.