پەیڕەوا ئاینە جیاوازەکا پانیشتوو کوردەسانی پەشتیوانی ۋێشا پەی مڎرامانوو ۋەرنیشتوو کوردەسانی تەئکیدکەردۆ و داواشا جە گلېرگەی مېیاننەتەوەیی و باوەڕداراییە جیاوازەکا کەرڎ چی ئاژەنە پەشتیوانی جە ۋەرنیشتی بکەرا.
ئارۆ، جە بارەگاو نوێنەرایەتی ئیدارەو ۋېڕاوەبەری سەرنیشت و ۋەرکۊتوو سووریای جە پانیشتوو کوردەسانی، پەیڕەوکەرا ئاینە جیاوازەکا جە کۆنگرێوە ڕۆژنامە وانینە پەشتیوانی ۋێشا پەی ۋەرنیشتوو کوردەسانی واوەی کەرڎۆ.
جە کۆنگرە ڕۆنامەنوویسییەکەنە محەمەد عەلی ئەندامو نوێنەرایەتی ئیدارەو ۋېڕاوەبەری سەرنیشت و ۋەرکۊتوو سووریای جە پانیشتوو کوردەسانی قسێش کەردۍ و واتش: "جە ئیساتێنە ئانەی موینیۆ کورد بیەن بە مژارێوە سەرەکی جە بوارەکا سیاسی و دیبلۆماسیینە، ئی چالاکیۍ کە جە پانیشتوو کوردەسانینە ئەنجام مڎریا نیشانۍ یۊگېرتەیی کوردی بەروزۆ و هاموڵاتییا ۋەرنیشتیچ ئی هەڵوێسا بەرز نرخنانە."
دماتەر مامۆسای ئاینی، مەلا نادر قسېش کەردۍ و جە قسەکاشەنە پەشتیوانی پەی گەلا سەرنیشت و ۋەرکۊتوو سووریای و مڎرامانوو ۋەرنیشتی بەربڕی و ئینەش وات: "بەنامۍ واڵە و برایاماوە جە ئاینە جیاوازەکا پەشتیوانی وێما پەی ۋەرنیشت و کوردەسانی بەربڕمۍ، داوا جە گلېرگەی مېیاننەتەوەیی و گرڎو باوەڕدارا مکەرمۍ هامهەوڵوێسێما با و پەشتگیریی جە ۋەرنیشتوو کوردەسانی بکەرا. چا زوڵمەی ۋەرا ۋەر بە گەلوو ۋەرنیشتوو کوردەسانی مکریۆ و چی فەسڵو سەرداینە جە یانەو ۋێشانە بەرۍ مکریا یاگۍ قبوڵ کەردەی و ویژدانو مرۆڤایەتی نییا."
