' پەی ئازادی جەسەیی ڕابەر ئاپۆی ئەرەکۆشای مکەرمێ'
هەریۆ جە پێکئامایەکا عەرەبی هەزا محەممەد و عەبدولعەزیز ئەل عەلی ئەرەیاوناشا کە پەی ئازادی ڕابەر ئاپۆی ئەرەکۆشای مکەرا.
گۆشەگیریی ڕەهاو سەرو ڕابەر ئاپۆی کە ماوەو ٤٤ مانگان بەردەواما و هیچ زانیاریێ چابارۆ هۆرنەگیریان، دلێ گردوو چین و توێژەکا سەرنیشت و وەرکەوتو سوریاینە کاروەدایش ۋنەکۊتەنۆ.
هامسەرۆکو مەجلیسو گرێ سپی، هەزا محەممەد، سەبارەت پا پەرسیە چنی ئاژانسو هەواڵو فۆراتی قسێش کەردۍ و ئەرەیاوناش کە ڕابەر ئاپۆ بە ویرۆکە و فەلسەفەکەیش گرنگیێوە بێوێنەش بە گەلا دان. ڕابەر ئاپۆ پەی گردو گەلا چێردەسەی سەرش هۆردان و گەلا چێردەسەیچ جە ڕاسی ئازادیی ڕابەر ئاپۆی یاوێنێنە، جە دژو سەرمایەداری و هەژموونوازی، ڕێوەتەرشا بە ویرۆکەو نەتەوەی دیموکراتیکی دەس پنەکەردەن و پەنەوازا عەرەبێ و گردو گەلا تەری پەی ئازادی جەسەیی ڕابەر ئاپۆی ئەرەکۆشایشا بەرز بکەراوە."
هەرپاسە عیسا عەبدولعەزیز ئەلعەلی ئەندامێوە نەوەشخانەو عومەر عەلوشی جە عەینەنە ئەرەیاوناش؛ ئاڎێ پێسەو نەتەوەو عەرەبی، ڕابەر ئاپۆی پێسەو ڕابەرو ئازادی و چارەسەرو کێشەکا موینا و واتش: "مشۆم حەقیقەتو ئازادی جە کەسایەتی ڕابەر ئاپۆینە بوینمێ. ئی پەرسەیچە فرە گەورەن و ئینا خزمەتو گردوو گەلانە، پەنەوازا ئانەیە بزانمێ کە ئەرەکۆشایما سەرو ئی خاکەیۆ چێشا و گرد ڕوێ پەی چێشی مژیومێ و مشۆم هەوڵو ئانەیە بڎەیمێ کە جە پارێزنامەکا ڕابەر ئاپۆی بیاومێنە و هێڵۆو ژەنێ ئازادێ خاستەر بشناسمێ."
