پارێزنەراو نوسینگەو یاسایی سەڎەی رازیە ئۆزتورکە، ئیبراهیم بیلمەز، عەمرا ئەمەکچی و جەنگیز یورەکلی پۍ ئانەی بتاوا موەکیلەکاشا جە ئیمراڵی عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، سەردای داواکاری گرڎیی کۆماریشا جە بورسا و ڕاوەبەرایەتی زینڎانوو ئیمراڵیشا کەرد و داواکاریشا بەرزکەردۆ.

پەیوەندی رابەروو گەلوو کوردی عەبدوڵا ئۆجالانی بە بەریۊ بە تەمامەتی پڕچیان. جوابوو داواکارییەکا پۍ دیڎاری مەڎریاوە، بڕۍ وەختۍ دماو چن مانگێوە سزاو دیسپلینی پېسە بەهانۍ ڕاگێرتەی جە دیڎارەکا بە پارێزنەرا ئەرەیاۋیۆ.

بە پاو دماین گوزارشتەو نوسینگەو یاسایی سەڎەی کە ١٧/١/٢٠٢٤ی وەڵاکریاوە:

-جە ٢٧/٧/ ٢٠١١یۆ تەنیا جە بەینوو مانگەکا ئایار- ئاب و ٢٠١٩ینە پەنج جارۍ دیڎاروو پارێزنەرا ئەنجامدریان، دمایین دیڎار جە ٧/١/ ٢٠١٩ینە بیەن.

-جە ساڵەو ٢٠١٤یۆ تەنیا پەنج جارۍ دیڎاروو بنەیانەکا ئەنجامدریان.

-دمایین دیڎارش چنی براکەیش جە ٣ۍ ئابوو ٢٠٢٠بیەن.

-جە ئەوەڵ ڕۊوە (١٥/٢/ ١٩٩٩)یۆ تا ئیسە دووۍ جارۍ (٢٧/٤/ ٢٠٢٠ ی و ٢٥/٣/ ٢٠٢١)ی بە تەلەفون ڕا دریان پەیوەندی چنی بنەیانەکەیش ئەنجام بڎۆ.

-دمایین پەیوەندی تەلەفونی جە ٢٥/٣/ ٢٠٢١ینە دماو ماوێوە کەمی پڕچنانشا و چا وەختۆ تا ئیسە حیچ زانیاریێوە جە بارەشۆ وەردەس نییا.