کۆمیتەو زینانیا پەکەکەی و پاژکی بە ئەرەیاونێوە ئاماژەشا پانەیە کەرد کە جە ٢٧ـەمین ساڵەو پیلانگێڵنییەکەینە هەرمانەی سەرەکییە دلێنە بەردەو سیستەمو ئەشكەنجەو ئێمراڵین.

ئەرەیاوناکەی پی جۆرەنە:

"بەتایبەت هەڤاڵێما خالید ئۆراڵ، سەلامەت مەنتەش، ئاینور ئارتان، سەرپیل پۆڵات، میرزا سەڤیملی، عەلی ئایدن، یاڤوز گوزەل، محەمەد گوڵ و بولەنت بایرام کە جە دژیپو پیلانگێڵی مییاننەتەوەیی بە دروشمو 'مەتاودێنە ڕوەکاما تاریکێ کەردی' جەسەو وێشا کەرد بە پەرشینێ جە ئێر و بەفیدای مڏرامانشا کەرد، گرڏو گەشمەرڏاما بە ڕێزداری و وەشەویسیۆ یاڏ مکەرمێ و قەولو زینەکەردەیۆ یاڏو ئاڏشا واوەی مکەرمێ.

ڕابەرما جە ١٥و شوباتی ١٩٩٩ بە پیلانگێڵیێ مییاننەتەوەیی بریا ئیمراڵی. چنی هێزە هەرێمییەکا و نەتەوە و نەتەوەپەرسی، خیانەتکار و هامکارا ئی پیلانگێڵنییە پێک ئاما کە ئی پیلانگێڵنییە جە مییانو مۆدێرنیتو سەرمایەداریی پلانەش پەی نریێبێرە. ٢٦ ساڵێ سەرو پیلانگێڵنی ویەردەن. دلێ ئی ٢٦ ساڵەینە، بە سیستەمو ئەشکەنجەو ئیمراڵی جە کەسێتی ڕابەرایەتیمانە گەرەکشا بێ کە ئیرادەو گەلوو کوردی و گرڏو پێکئاماکا مۆدێرنیتو دیموکراتیکی تەسلیم بکەرا. ئی جەنگە بێ ڕەحمانە کە پێسەو جەنگو جەهانی یەرەمی پێناسە کریا و  قورسییەکەش جە وەرکەوتوو مییامینینە بێ، سەرەتاو پیلانگێڵی ١٥و شوباتی بێ. هێزە پیلانگێڵنییەکا جە ئامانج و تندوتیژی بێ ڕەحمانەینە، حیچ چێوێشا جە دەسنەران.

وەرکەوتوو میامینی؛ جە چەقبەستەی زیهنیەتو دۆڵەت-نەتەوەی گیرش واردەن و دلێ کێشەکانە بێ چارەسەر جیا مەنەن. ئا جەنگەی جە هەرێمەکەنە ڕوەشدا، ڕاستەوخۆ پەیوەندیش بە بییەو سیستەمو ئەشکەنجەو ئیمراڵییۆ هەن. ڕاو ڕزگاربییەو وەرکەوتوو مییامینی و جەهانی چی گێژاوێنە، ئەرەمەزنارەو سیستەمو ژیواو بە دیلو ڕابەرایەتیمانە و ئەوەکۆشای جەنگو گەلوو شۆڕشگێڵنیا جە دژو مۆدێرنیتو سەرمایەداری.

دلێ ٢٦ ساڵەی جە دژو ئی پیلانگێڵنییە خیانەتکارانە مڏرامانو ڕابەرایەتی، گەریلاکاما، هەڤاڵاما جە زینانەکا و پێکئاماکا مۆدێرنیتەو دیموکراتیکی بێهاوتان. دلێ ٢٦ ساڵانە قوربانی گۆرە دریا، مڏرامان و ئەوەکۆشای گۆرە کریان. جە سایەو ئی ئەوەکۆشا گۆرەیە، هێزە پیلانگێڵنییەکا مییاننەتەوەیی و هێزە هامکارەکاش نایاوێ بە ئامانجەکاشا.

جە ٢٧ ساڵەو پیلانگێڵینە بە تەمامبییەو دلێنەبەردەی سیستەمو ئەشکەنجەو ئیمراڵی ئەرکی سەرەکیمانە و ئا ئەوەکۆشایە جە ماوەو ٢٦ ساڵا ویەردەینە لوا ڕاوە، چنین دەسکەوتێش پەی گەلەکەیما و دۆساما ئاردێنی.

ڕابەرایەتیما هەوڵمڏۆنە پەی پڕۆسەکەی بە تایبەت جە کوردەسانەنە پەی کێشەو کوردی جە ڕوانگەو نەتەوەی دیموکراتیکنە چارەسەریێ وەڵێ وسۆ و پەی وەرکەوتوو مییامینی و گرڏو گەلا مۆدێلێوە خوڵقنۆنە.  ئی پرۆسە کە ڕابەرایەتیما دەسش پنەکەرد، مشۆم بە ڕاسی چنەش یاومێنە. حەر پۆکەی ڕابەرایەتیما ماچۆنە 'ئینجارە بێگومان مشۆم سەرێ گنمێ'. هەڵمەتە 'پەی رابەر ئاپۆی ئازادی، پەی کێشەو کوردی چارەسەری' سەرو بنەماو ئازادی ڕابەرایەتی ملۆڕاوە و بە سەرمەشقایەتی دۆسا پێسەو هەڵمەتێوە گەردونی دەسش پنکەرد، بە ئامانجو ماڕاو گۆشەگیری و مسۆگەرکەردەی ئازادی ملۆڕاوە. پەی ئانەی هەڵمەتەو ڕابەرایەتی ڕاس بلۆڕاوە و گۆشەگیری مەڕیۆنە، مشۆم جە ئاستێوە فرە بەرزەنە ئەوەکۆشای بلۆڕاوە. مشۆم ئی هەڵمەتێ یاونمێ بە سەرکەوتەی. ئیتر مشۆم تاوەکو ساڵێوە تەر تەحەملو ئی سیستەمو گۆشەگیرییە نەکریۆ.

پی ئادیا و بڕوێوە جە گرڏ یاگێنە ئی هەڵمەتێ زیاتەر وەڵێ وزمێ،

ئا پیلانگێڵنییە مییاننەتەوەییە جە وەراوەرو ڕابەرایەتیمانە ئەنجام دریا، جارێوە تەر بە نەحلەتش مکەرمێ و سڵام جە مڏرامانی تاریخی ڕابەر ئاپۆی مکەرمێنە".