ڕابەر ئاپۆ جە دیڎارشەنە چنی بنەیانەکەیش ئی پەیامشە کیاست: "جە نەورۆزەنە گەلەکەما بە جۆشێوە گۊرۆ خاوەنداری جە بانگەوازو ئاشتی و گلېرگەی دیموکراتیکی کەرد. سڵام پەی ئی خاوەنداریەتیە. نەورۆز و جەژنەو ڕەمەزانی جە گەلەکەیما پیرۆزە مکەرو".
ڕابەر ئاپۆ و عومەر خەیری کۆنار و حامیلی یەڵدرم و وەیسی ئاکتاش کە جە زینانو جۆرو F و ئەمنیەتو باڵاو ئیمراڵینە زینانیۍ کریێنۍ، بۊنەو جەژنەو ڕەمەزانیۆ دیڎارشا چنی بنەیانەکاشا ئەنجامدا.
زانیان کە براو ڕابەر ئاپۆی، محەمەد ئۆجالان و برازاکەش عومەر ئۆجالان، براو کۆناری، عەلی کۆنار، براو یەڵدرمی، پۆڵات یەڵدرم، واڵۍ ئاکتاشی، سەبیحە ئاکتاشە، لوێنۍ ئیمراڵی.
پەرلەمانتارو پارتو یەکسانی و دیموکراسیی گەلا (دەم پارتی) عومەر ئۆجالان جە دیجیتاڵ میدیاو ۋێشەنە، پەیامێوەش وەڵاکەرڎۆ و واتش: "پېسە بنەیانەو ئێژا عەبدوڵا ئۆجالانی و حامیلی یەڵدرمی و وەیسی ئاکتاشی و عومەر خەیری کۆناری، بۊنەو جەژنەو ڕەمەزانیوە جە ٣١ و ئادارینە دیدارما ئەنجامدا. جە کاتێوەنە کە جە تورکیا و ۋەرکۊتوو مېیامینی و جەهانینە پێشئامایۍ گرنگۍ ڕووە مڎا، ئی پەیامەو ئېژا عەبدوڵا ئۆجالانی پەی ڕای گرڎینی وەڵا مکەرووە: " جە نەورۆزەنە گەلەکەما بە جۆشێوە گۊرۆ خاوەنداری جە بانگەوازو ئاشتی و گلېرگەی دیموکراتیکی کەرد. سڵام پەی ئی خاوەنداریەتیە. نەورۆز و جەژنەو ڕەمەزانی جە گەلەکەیما پیرۆزە مکەرو ".
