داکۆکیکارەو مافەکا مرۆڤی جە ئێرانەنە، نێرگز محەمەدیە پەی وریشە مورادیێ پەیامێوە پەشتیوانیش گیانا کە سزاو جە قەنارەدایس سەرەرە سەپیان و واتش: "دژە مردایۆ سزاو جە قەنارەدای ئەرکو گرڏیمانە و بۆنە بە ئامارازێوە تازەو سەرکۆتەی."
نێرگز محەمەدیە سزاو جە قەنارەدایش سەرو وریشە مورادییێرە شەرمەزار کەرد و واتش: "سزاو جە قەنارەدای، بە تایبەت جە سیستەمو دادوەرینە کە سەربەخۆی وێش جە دەسدان، پاشێلکەردەو مافە بنەڕەتییەکا ئینسانییا." پی مەڵامەتۆ نێرگز محەمەدیە داواش کەرد سزاو جە قەناردای هورگیریۆنە و ماچۆنە: "جە ڕژێمو ستەم و زۆرداریینە کە سیستەمو دادگای جە ئاسو دەسەڵاتداری ئۆتۆرێتە و هەژموون وازینە دەسەو وەسان و ملکەچ بۆنە، دژەمردای وەراوەرو یاسای و قەرارەکا جە قەنارەدای ئەرکو گرڏ کەسێن."
'دژ مردایۆ قەنارەدای ئەرکو ئۆپۆزسیۆنو گلێرگەیشا'
نێرگز محەمەدیە ئاماژەش بە گرنگی ئەوەکۆشای جە دژو سزاو جە قەنارەدای کەردەن کە بەشێوەن جە مڏرامانی دژو ڕژێمو ئۆتۆریتەری ئێرانی و واتش: "ڕژێمو دەسەڵاتداری، قەنارەی پێسەو ئامرازو ستەمی و زۆرداری بە کارمارۆنە." ئاماژەش پانەیشدا ئۆپۆزسیۆنو گلیرگە مەبۆنە تەنیا فاڕییای سیاسی بە ئامانج گێرۆنە، هەرپاسە مشۆم سزاو جە قەنارەدای کەرۆنە بە ئامانجو وێش."
نێرگز محەمەدیە داکۆکیکارەو مافەکا مرۆڤی جە دماینە واتش: "پەی ئانەی ئی ئەوەکۆشایە بەرمێ ڕاوە، ناچارێنمێ و پەنەوازا ماشێنو جەقەنارەدای ڕژێمی هورشێونمێوە، ڕاگیری کەرمێنە جە هورگێرتە و جابەجێ کەردەو قەرارەکا جە قەنارەدای. هیوادارێنمی ڕوێ سزاو جە قەنارەدای بە تەمامەتی هورشێونمێوە. ئا ڕووە یەکلاکەرەوە بۆنە و بۆنە ئامرازێوە تازەو سەرکۆتەی."
