گیریایاو دۊزوو پەکەکەی و پاژکی بۊنەو ساڵیاڎوو ڕۊچەگێرتەی مەرڎەی گەورەو ١٤ تەمووزینە ئەرەیاوناێوەشا وەلا کەرڎەۊ، ئەوەخواشا کەرڎۊ، "پەنەوازا گردلاێوە بە ڕۊحوو ١٤ تەمووزیوە ڕەفتار کەرا و کۊشیای بەتینتەر کەرا تا بەدیئارڎەی ئازاڎیی جەسەیی ڕابەر ئاپۊێ".
بە نامۍ گیریایاو پەکەکەی و پاژکیوە، دەنیز کایا ئەرەیاوناێوە نویسیاش وەڵا کەرڎۊ، بە ڕێز و سوپاسۊ یاڎوو مدرامانوو چالاکیی ڕۊچەگێرتەی مەرڎەی گەورەی جە ١٤ تەمووزینە بەرز مرمانمۍ.
دەقوو ئەرەیاونیاکەی:
"ئیسە ئینایمۍ جە ٤١مین ساڵیاڎوو مدرامانوو ڕۊچەگێرتەی مەرڎەی گەورە و تاریخیی ١٤ تەمووزینە. قسێوە نامیۍ هەنە ماچۊ: ئا پەپوولە کە جە بەشێوە جیهانینە باڵەکاش جووڵنۊ، کریۊ جە بەشێوە تەروو جیهانینە گەرڎەلوول خولقنۊ. جە مدرامانی تاریخیی ١٤ تەمووزینە، محەمەد خەیری دورموش و کەمال پیر و عاکیف یەڵماز و عەلی چیچەک، پێسە چوار پەپوولە هەقەتینا جە زینڎانوو ئامەدوو فاشیستانە ١٢ ئەیلوولۍ فڕۍ، ئی فڕایە ٤١ ساڵێن پێسە گەرڎەلوولێوە شۊڕشگێڵنیی گەورەی بەرڎەواما، ١٤ تەمووزوو ١٩٨٢ مەبارەک کەرمۍ، کە ڕۊو شکۊی نەتەوەیین پەی ڕابەر ئاپۊی و گەشمەرڎە قارەمانەکا و گەلە وەڵاتپارێزنەکەیما. جە کەسێتیی قارەمانە مدرامانکەرەکانە، کەمال و خەیری و عاکیف و عەلی، بە ڕێز و سوپاسۊ یاڎوو گەشمەرڎاو ئازادیی کوردسانی کەرمێوە.
ڕێبەر ئاپۊ جە نرخنای مدرامانوو زینڎانی گەورەو ١٤تەمووزوو ١٩٨٢، پاسەش وات:
"پەکەکە پارتێوە قارەمانا. ١٤ تەمووزی ڕوێوە گەورەن، پەوکای مەتاومۍ شکۊیش کەم کەرمێوە، مەتاومۍ پاشێلش کەرمۍ، مەتاومۍ وێما بە قابیلش بزانمۍ. من وێم بە قابیلوو یاڎوو ئا هامڕایامە مەزانوو. وەلێم سۊنکەوتەو ئادیشانا، شۊنکەوتەو وەسیەتەکاشا، مەتاوو هامشانشا بلوو وەڵێوە. بزانە گولانەتەرین غەڵەتت بۊ قبووڵش مەکەروو. ئەگەر گەرەکتا پەی یاڎوو مدرامانوو ١٤ تەمووزی هەرمانێوە کەری و یاڎیشا بەرز برمانی. ئەگەر ڕاسواچ بی و گەرەکتبۊ یاوینە، مشۊم جە ڕاسیی مدرامانوو ئی هامڕایا نزیک بیوە. جە چە هەلومەرجێوەنە بۍ، ئەگەر گەرەکتابۊ بەشکۊوە بژیودۍ، مشۊم مدرامان کەرڎی، من ئی ڕێتا پەی دەسنیشانە کەروو".
ڕابەر ئاپۊ ئی پرسیارۍ کەرۊ گردیما: چی سەروو ئیڕێرە مەلدێ؟ مدرامانوو ١٤ تەمووزی پەی مەرگێوە هەرزانی نەبۍ، مەرڎەێوە گەورە بۍ، مەرڎەی نا، ژیواێوە گەورە بۍ. ئەگەر بەڕاسی جە یاڎوو ١٤ تەمووزی نزیکۍ بیدێوە، ئا هامڕۍ وەختێوە فرسەتێوە گولانەشا دی بینی جە هەرمان و ژیواینە، تا ئاخیر ئی فرسەتەشا بەکار ئارد. پاکی و ڕاسیی پەکەکەی جە ڕاسیی ئی هامڕایا بەر کەوت. ئی هامڕا گەورۍ گەرەکشابۍ نامۍ پارتەکەی بەرز کەراوە، تا جە ئامانجەکاو پارتەکەی دوورۍ نەگناوە. چێروو ئەشکەنجەی تندی و دڕندانەی و وەرگەنەگیریاینە، فرسەتێوە وچکلەشا وێستۊ پەی ژیوای و مدرامانکەرا. ئی مدرامانە گەورە پەی ئی ئامانجا بۍ. ١٤ تەمووزی قەرارێوە بۍ پەی وستەیرەی ڕۍ وەرڎەموو دلێنەبەرڎەی پارتەکەی و گەلی و کوردسانی و ئینسانیەتی. پەی قەراروو پارتەکەی بۍ دژوو خیانەتی و زوڵمی گەورەی و ژیوای دماکەوتەی. ١٤تەمووزی ڕۊحوو پەکەکەین. مدرامانوو ١٤ تەمووزی پەی مەرگێوە هەرزانی نەبۍ، مەرڎەێوە گەورە بۍ، مەرڎەی نا، بەڵکوم ژیواێوە گەورە بۍ. من درێژەدەروو وەسیەت و ئامانجەکەیشا بوو، قەرار دووەپات کەرووە پەی وەسیەتەکەیشا. ئەگەر ماچا ئێمە دڵسۊزێنمۍ پەی ١٤تەمووزی، داواتا وەنە کەرمۍ، هەنگامەی ئازایانۍ بنیا.. نەوەک جە زینڎاننە، مشۊم جە جەنگ و هەرمانەنە، بە پاو ڕۊحوو ١٤ تەمووزی هەنگامە بنیا. جە ڕۊحوو وێتانە هەنگامە بنیەیدۍ، ئەگەر هەنگامەی چانۍ نەنیەیدۍ، قەسایلەینێندۍ، گەرەکتانە درێژە بە ژیوای هەرزانانەی دەیدۍ. گرد مەیدانێنە و بە گرد نۊعێوە مەبۊ جە پارتەکەی دوورۍ گندێوە تا یاومۍ قەراروو ١٤ تەمووزی، مشۊم وەراوەروو ئی دوورکەوتەیوە مردمێوە. ئی گەشمەرڎە گەورۍ سەروو بناغەو مدرامانێوە گەورەیۊ وێشا بونیاڎ نیا و تا ئاخر بەرڎەوامۍ بێنۍ، ئەگەر خەباتەکەتا پاسنە بۊ و ئەنجامدار بۊ، بیدۍ ساعیبوو ١٤ تەمووزی، ساعیبەکاو ١٤ تەمووزی دایمە گەورێنۍ، ئانۍ کە پێسە بەرڎەوامۍ با، ئانۍ کە ئی جەنگییە کەرا، بە سەبر و باوڕ و هەرمانە جەنگ کەرا، دایمە سەرۍ گنا."
ئانا ئارڎەینەر و ویر و فەلسەفەو ئەرەمەرزنەروو ئی چالاکییە گەورەیە، ٢٥ ساڵێن تاوەرەکاو ئیمراڵینە، دلۍ چاڵەو مەرڎەیۊ، ئینسانیەتی ئاڕاستە کەرۊ بەرەو ڕزگاری، هەڵای ئی پەرسێما چەنە کەرۊ، چی پی ڕێرە مەلدێ؟ بە نامۍ گیریایاو دۊزوو پەکەکەیۊ و پاژکیوە، داوا جە گردوو هێزەکا کەرمۍ کە بە ڕۊحوو ١٤ ی تەمووزیوە جماوە، کۊشیای بەتینتەر کەرا تا بەدیئارڎەی ئازادیی جەسەیی ڕابەر ئاپۊی، پێسە هامڕاما بەشار کە چی دمایۊ نەکریا و کوشیا، ڕووە کەرڎی مدرامانی پەی هەقسانایۊ زینڎانییە کوشیایەکا".
س.ز
