پیایا مەنتیقەو فوراتی دژ بە تنووتیژی سەروو ژەنا ڕاپیمایېشا کەرڎ
بۆنەو ٢٥و تیشرینوو دووەمی، ڕۊو ۋەرەنگاربیەیۊ تنووتیژی دژ بە ژەنا، پیایا هەرێموو فوراتی شاروو کۆبانینە مجیېرە سەروو جاڎەکا و دژوو تنووتیژی سەروو ژەنا ڕاپیمایېشا کەرڎ.
هەرێموو فوراتینە، بۆنەو ٢٥و تیشرینوو دووەمی، ڕۊو ۋەرەنگاربیەیۊ تنووتیژی دژ بە ژەنا، جەمەو پیایا بە دروشمەو 'ژەنۍ، ژیای، ئازاڎیی' دژوو گر جۆرە تنووتیژی و ئەرەگیریېوە، ڕاپیمایشا ئەنجامدا.
پیایا مەنتیقەو فوراتی جە مېڎانوو گەشمەرڎە عەگیدی کۆبانینە کوۍ بیېوە و بەرەو مېڎانوو ئازاڎیی ژەنا ڕاپیمایېشا ئەنجامدا.
دماو دەیەقېوە ڕێزگېرتەی، ئەنڎاموو مەجلیسوو گرڎی پارتوو یۊبیەی دیموکراتیک (پەیەدە)ی ئەحمەد خوجە قسېش کەرڎۍ و واتش: " ئیتر مشۊم ئێمە ۋەرەنگاروو هوشیاری بالادەسی تاریخی بیمېوە. ساڵەو ١٩٦٠ ی دماو کوشتەی یەرۍ واڵا میرابێلی جە تەرەفوو دیکتاتۆروو تروژیلۆیوە، ٢٥و تیشرینوو دووەمی جە جەهانەنە بی بە ڕۊو کۊشیای دژ بە تنووتیژیەکا سەروو ژەنا. ئارۆ بە هەزاران ژەنۍ بەردەوامېنۍ جە کۊشیای و سەروو هەمان ڕێچکەی هەنگامە منیا.
دماتەر گرووپوو حیلالی زېڕینی، گرووپوو شانۆی گەشمەرڎە یەکتای بە بۆنەو ئا ڕووەیۊ چالاکیېوە کەلتوریش ئەنجامدا.
ڕاپیماکەی بە دروشمەو "ژەنۍ، ژیای، ئازاڎیی" دمایش ئاما.
