فڕۊکېوە بۍ ‌فڕۊکەوانو ئەرەگیری تورکیای سەعاڎ ١١:٥٥ دەیەقۍ ئارۊی، ماتۆڕسکیلێوەش کەرڎ ئامانج سەرو ڕاو حەلەبیۊ جە دەروازەو پانیشتوو شارو کۆبانۍ. پا مەڵامەتۊ ٣ هاموڵاتیۍ زامڎارۍ بیۍ بە نامەکا: محمد بەهجەت ئەیوب (٢٥ ساڵ)، خەبات ئەدهەم (٢٨ ساڵ)، عەلا عەبدولڕەزاقی (٢٢ ساڵ).

جە جوابو ئینەینە، پەیەدە یاۋنەریېوەش ۋەڵاکەرڎۊ؛ بە ئاماڎەبیەو بەشێوە جە ئەنڎاما و ڕاوەبەرا پارتەکەی یاۋنەریەکە جە لایەنو ئەنڎامو مەجلیسو گرڎی پارتەکەی، ئەحمەڎ خۆجەیۊ ۋنیاوە، کە چنەشەنە ئامابۍ: "ساڵانێوەن دەوڵەتو ئەرەگیری تورکی هجوم کەرۊنە سەرو وەرنیشتوو کورڎسانی و بەتایبەت کۆبانۍ کە چەتەکۍ داعشی هامکارو دەوڵەتو ئەرەگیریش دلېنەبەرڎۍ، هەمڎیسان دەوڵەتو ئەرەگیری تورکی بە سەرۊکایەتی ئەردۆگانی و دماو واوەی هورگېرتەیۊ سەرۊکایەتی تورکیای هجوم کەرۊوە".

ئەحمەد خۆجە ئاماژەش کەرڎ بە هجومەکا سەرو کانتۆن و شەهبای و سلێمانی و کۆبانۍ و ۋاتش، ئامانج چی هجوما تەرسنای و ئاوارەکەرڎەی خەڵکین پۍ جابەجۍ کەرڎەی پیلانەو فاڕای دیمۆگرافی، بەڵام گەلوو کۆبانۍ قەناعەتش هەن بە مدرامانەکەیش، دەوڵەتو تورکی حەرچیېوە کەرۊ مەتاۋۊ ئیراڎەو گەلی ماڕۊ.

خۆجە جە دمادمایی یاۋنەریەکەینە ۋاتش: "ئێمە پېسە گەلوو کۆبانۍ حەتا دما نەفەس مدرامان سەرو خاکو ۋېما کەرمۍ، حەرچن هجوم و ‌هەڕەشۍ و کۊکوژییەکۍ سەریچما زیاتەرۍ با".

هـ . ش