پیلانگێڵی مییاننەتەوەیی جە ئەسینانە شەرمەزار کریا
پیلانگێڵی ١٥و شوباتی دژو ڕابەر ئاپۆی جە ئەسینانە بە چالاکی شەرمەزار کریا. جە چالاکییەکەنە ئەرەیاوییا کە ڕابەر ئاپۆ بە ویر و ئەوەکۆشای وێش پیلانەکێش پووچەڵێ کەردێنێ.
بە دیمەن
بۆنۆ ٢٦مین ساڵڕپو پیلانگێڵی مییاننەتەوەیی دژو ڕابەر ئاپۆی جە ئەسیناو پایتەختو یۆنانی چالاکی لوا ڕاوە و بەیاننامێوە وەڵاکریاوە
کوردێ و دۆسەکاشا جە مێڏانو سینتاگماینە دماو دەقێوە بێدەنگی پەی ڕێزگێرتەی جە گەشمەرڏا ئازادیی کوردەسانی بەیاننامێوەشا واناوە. ئامادەبیەکێ ئاڵا و وێنەو ڕابەر ئاپۆیشا بەرزکەردۆ و دروشمو "بژیوۆ ڕابەر ئاپۆ"، "بێ سەرۆک ژیوای نمەبۆ" و "بژیوۆ مڏرامانو گەریلا"یشا واتۆ.
ئیبراهیم موسلیم، نوێنەرو پەیەدەی جە یۆنانەنە، بە نامێ ئامادەبیەیا ئەرەیاوناش کە مشۆم دەموو دەس هرووژمەکێ سەرو وەرنیشتی مدرانە و جەختش جە گرنگی کۆنفرانسو پاریسی پەی کوردا کەردۆ. ئیبراهیم موسلیم ئەرەیاوناش که شۆڕشو وەرنیشتی سەرگنۆنە و به تامەزۆییۆ چمەڕاو پەیامو ڕابەر ئاپۆی مکەرمێ.
ئیبراهیم موسلیم جە دماین و قسەکاشەنە ئەرەیاوناش: "گەلوو کوردی بە مڏرامان و ئەوەکۆشای وێش پیلانەو ١٥و شوباتیش پووچەڵ کەردۆ. بەتایبەت ڕابەر ئاپۆ بە هزر و ئەوەکۆشای فکر و فەلسەفەو وێس پیلانگێڵیش بێکاریگەر کەرد. هەرپاسە ڕەوتو ئیسەو تاریکی پیلانگێڵییەکەی ڕۆشن مکەرۆوە."
