بە ئامادەبیەو بنەیانەو گەشمەرڏا، فەرماندەکا قەسەدەی، هێزەکا ئاسایشی، نوێنەرا ئیدارەو وێڕاوەبەری و چڼین ئەرەمەرزیۍ سەروازیۍ و مەدەنیێ مەنتیقەکەی، مېیانو پارێزناو  ژەنا سەرنیشت و وەرکەوتو سوریای قەرارگەو مېیانو پارێزناو ژەناش کەردۆ.

جە مەراسیمەکەنە فەرماندەو گردی یەپەژەی، ڕۆژهەڵات عەفرینە قسێش کەردۍ و کەردەیۆ قەرارگەکەیش جە ڕابەر ئاپۆی، گەشمەرڏا شۆڕشی، تەمامو گەلی، ژەنا و جەنگاوەرا موبارەک کەرد و واتش: "جە دژو هجومە ئەرەگیرییەکا، وێپارێزنای پنەوازا. مشۆم بە ژەنا زانستو پارێزنای چنی یۆی کۆباوە. بە فەلسەفەو 'ژەنی، ژیوای، ئازادی''  جە مېڎانو پارێزناینە وێشا قەوەت بکەرا."

دماو قسەکا، جە مەراسیمەکەنە نمایشێ سەروازی نمایشکریا. زەماونەشا سازکەردە،  زەماونەکێنە ئەڏاو گەشمەرڏە ژیندار حەمدییە کوتەی و ئەڏاو گەشمەرڏە خەبات توکمان خەولەی  قسێشاکەردۍ و کەردەیۆ قەرارگەکەیشا جە گردو ژەنا موبارەک کەرد. ئاماژەشا پانەیەدا پەنەوازا ژەنی جە گرد تەمەنەکانە ئەرکو پارێزناو خاکی ئەنجام بڎانا.

جە دماینە جەمەو کلتووری هیلالی زێڕینی بە هونەرەکەیشا جۆششا دا بە زەماونەکێ و مەراسیمەکە بە هۆرپڕای جەنگاوەرا دمایش ئاما.

کەردەیۆ قەرارگەکەی جە چوارچێوەو قەرار و راسپاردەکا کۆنفڕانسی چوارەمو یەکینەکا پارێزناو ژەنۍ (یەپەژە)ین.