بەشدار حەسەن ئەندامو تیمو پارێزنەرا سلێمان ئەحمەدی ئەرەیاۋناش: دادگاو کەتنەو هەرێمو کوردەسانی قەرارشدا بە هۊرشێۋنایۆ گرڎو تۆمەتەکا سەرو ڕۆنامەنویس (سلێمان ئەحمەد)ی و ئازاڎکەردەی دەمودەسیش، کە نامبریا وەڵتەر سزاو زینانی کەردەیش پەی ماوەو یەرۍ ساڵا سەرەرە سەپیا بۍ.

سلێمان ئەحمەد هەواڵسازو بەشو عەرەبی ئاژانسو رۆژ نیوزی جە ٢٥و نۆۋەمبەرو ٢٠٢٣ ێنە جە لایەنو ھێزە ئەمنییەکا پەدەکەیۆ بڕفانیا و پەی ماوەو ٢١١ ڕووا چارەنوویسش نادیار بۍ و دماتەر بە شێۋنای ئاسایشو نیشتمانی تۆمەتبار کریا.

دماو ۋېیەرنای ٢٧٩ ڕووا دەسبەسەری، جە لایەنو دادگاو دهۆکیوە سزاو یەرۍ ساڵا زینانیکەردەیش سەرەرە سەپیا.