قەسەدە ئەرەیاۋناش، جە مەنتیقەو عەین عیسا، گرێ سپی و منبجینە جە دژوو چەتە و سەروازا دەوڵەتوو تورکی ئەرەگیری چن چالاکیێوەشا ئەنجامدێنۍ. ئەرەیاۋییا کە جە ئاکاموو ئا چالاکیانە ٢ سەروازۍ تورکی ئەرەگیری و ١٧ چەتۍ کوشیۍ.
ناوەنڎوو ئەرەیاۋنای و چاپەمەنی قەسەدەی جە بارەو ئا چالاکیاوە کە جە ١٥ و ١٧/١/٢٠٢٤ینە کریێنۍ ئەرەیاۋنێوەش وەڵاکەردۆ و چنەشەنە ئامان، "جە چوارچێوەو مافوو پارێزنای رەواینە جە ۋەران ۋەروو هجومەکا دەوڵەتوو تورکی ئەرەگیرینە، هێزەکێما جە دژوو بارەگاکا دەوڵەتوو تورکی و چەتەکاش جە هەرێمە جیاجیاکانە چالاکیێشا کەردۍ".
جە درێژەو ئەرەیاۋناکەینە ئامان ، "١٥/١/٢٠٢٣ سەعات ٢٢:٣٠ دەیەقۍ هێزەکاو ئەنجومەنی سەروازی منبجی چالاکیێوەشا جە دژوو نوقتێوە چەتەکا دەوڵەتوو تورکی ئەرەگیری جە دەگاو سیادەی نزیک بە دەگاو شەهیبی ئەنجامدا جە ئاکامەنە ٤ چەتۍ کوشیۍ.
جە مەنتیقەو عەین عیسایچ هێزەکێما ١٧/١/٢٠٢٤ی بە چەکی قورس جە نوقتێوە چەمڎاری و بارەگێوە دەوڵەتوو تورکی ئەرەگیری جە دەگاو شرکراکی سەرنیشتوو ۋەرکەوتوو مەنتیقەکەی و نزیکوو ئا مەنتیقەیشا دا. جە بارەو ئەنجامەکا ئا چالاکیەیۆ زانیاری دەس نەوزیان.
حەرپاسە حەر چا ڕووەنە هێزەکێما بە شێوێوە هاموەخت بە چەکی قورس بارەگێوە دەوڵەتوو تورکیشا جە دەگاو تینای و کیارێوە دەگاو مەلقی پانیشتوو شاروو گرێ سپیشا کەرد ئامانج.
زەرەرە گیانیەکۍ ئا چالاکیە ڕۊشن نەکریێنۍ. هەمان ڕۆ هێزەکێما چالاکیشا جە دژوو بارەگێوە دەوڵەتوو تورکی ئەرەگیری جە دەگاو سەلیبی جە ۋەرنیشتوو شاروو گرێ سپی ئەنجامدا. دماتەر جەنگی سەخت جە بەینوو هێزەکاما و دەوڵەتوو تورکی و چەتەکاشەنە ڕووەشدا.
جە ئاکاموو هەر چوار چالاکیەکەینە ١٣ چەتۍ و ٢ سەروازۍ تورکی ئەرەگیری کوشیۍ.
ئەنجام و چالاکی هێزەکاما ئانەی کە پەشتڕاس کریانۆ پی جۊرەنە:
٨ چالاکیۍ
١٧ چەتۍ کوشیێنۍ
٢ سەروازۍ تورکی کوشیێنۍ".
