ئەنڎامەو ئەنجومەنو ژەنا هەدەپەی "زەینەب نیلگون سالمانەر"ە ئەرەیاۋناش ، کە ئاڎۍ پەی ئازاڎیی و یەکسانی ئینۍ مەرحەلەو وۍ تازەکەرڎەیۊینە و ئانەیچش وست ڕووە کە دەس چا مافیە هورمەگېرا کە بە کۊشش بەدەسشا ئارڎەن.

"زەینەب نیلگون سالمانەر" ئەنڎامەو ئەنجومەنو ژەنا هەدەپەی قسېش پۍ ئاژانسو هەواڵی فرات (ANF)ی کەرڎۍ و باسش چانەی کەرڎ کە پۆپۆلیزمی راسڕەو کە جە جەهانەنە پارێزنای جە پیا سالاری مکەرۊ، بە گرڎو قوەتیشۊ دژ بە رەگەزی کۊمەڵایەتی دەسش بە جەنگی کەرڎەن. "زەینەب نیلگون سالمانەر"ە ئانەیچش وست ڕووە، "ئارۊنە ئەگەر جە ئیتالیا 'خوڎا، ۋڵات، خانەواڎە' کە بنەڕەتەکەش پۍ سەردەمو مۊسۊلینی فاشیستی گېڵۊوە، هەڵای پێشوازیش ۋنە کریۊ؛ ئەگەر ویستو ئا کۊنسێرڤاتا کە چی دماییەنە جە هۊرچنیەو سویدینە سەرکۊتۍ و ئامۍ سەرو تەختو حوکمڕانی ڕاگېرتەی و دمایی ئارڎەین بە سیاسەتو جبەرو فیمینیستی؛ ئەگەر جە رژێمە تۊتالیتەرەکا پېسە تورکیای، هەنگاریای و پۆڵەندای ئیمزاو پەیماننامەو ئیستەنبوڵی پاشێل مکەریۊ، ئەگەر حۊل هەن پۍ ئەسایۊ مافو جەباربەرڎەو زارۊڵەی جە ژەنا، ئینسان متاۋۊ واچۊ کە ئانە بۍ مەبەس نییا. جە هۊرچنیە و ئایارینە گرڎما پېۋەرە پا ئەزمونەرە ۋیەرڎیمۍ کە چنی سەرو مافو ژیای یاخوڎ ژەنا بازرگانی ئەنجامدریا. قسۍ ئەقڵیەتو هامبەشو کۊلۊنیالیستی پېسە 'ئێمە ژەنا وەی کەرمۍ' چی مەرحەلەیە نەبڕیېنمېرە و بۍ ئاگۍ نیەنمۍ".

"زەینەب نیلگون سالمانەر"ە ئانەیچش وست ڕووە کە هامپەیمانی کۊلۊنیالیستی جە لایەنو ئاکەپەیوە وەشکریان، دژ بە کۊشیای ژەنا کە مېڎانەکا چۊڵ مەکەرا، سیاسەتو وەحشیانەو ۋېش قوڵتەر مکەرۊ.

کۊشش پەی ماف و ئازاڎین

"زەینەب نیلگون سالمانەر"ە ئانەش وست ڕوۋە کە ئاڎۍ پېسە ژەنا هەدەپەیی و پارتو چەپی سەوزی پەی بەدەسئارڎەو ئازاڎیی و یەکسانی پاشا وستەن  مەرحەلەو وېتازەکەرڎەیۊ و پی جۊرە وەردەوامەبۍ: " من گەرەکما واچو کە ئێمە دەس چا مافا هورمەگېرمۍ کە بە قوربانیدای سەختو کۊشیای بە دەسما ئارڎېنۍ. مزانمۍ کە سیاسەتو جەنگی و تنوتیژی پۍ سەرو ژەنا چنی ملۊڕاوە، سیاسەتو جەنگی تایبەتی سەرو ژەنا چنی ملۊڕاۋە، ئێمە مژیۋمۍ، وەرو ئانەی ڕاو بنیاڎنیاو ژەنا تازەی ئازاڎی و پارېزناو ئاشتی وەران ۋەرو هامپەیمانییە کۊلۊنیالیستەکانە، بە گرڎو جیا جیایەکاوە رێکوستەو کۊشیایۍ هامبەشیا. ئا مدرامانەی جە بەر و دلېنە بە یۊیما یاۋنان، حەتا بەدی ئامای  ئازاڎیی ژەنا و گەلا وەردەوامیش بۊ".

هـ . ش