ساڵەی ۋېیەردۍ جە ۋەرکۊتوو کوردەسانینە ٦٣ کۆڵبەرۍ کوشیۍ
رێکوزیاو مافو مرۆڤو کوردەسانی وەڵاش کەرڎۆ، کە ساڵۊو ٢٠٢٤ لاو کەمیۆ ٦٣ کۆڵبەرۍ کوردی جە لایەنو هێزەکاو دۆڵەتو ئێرانیوە کوشیێنۍ.
رێکوزیاو مافو مرۆڤو کوردەسانی ئەرەیاۋناش، کە جە ساڵەی ۋېیەردێنە ٦٣ کۆڵبەرۍ کوردی جە ۋەرکۊتوو کوردەسانینە کوشیێنۍ و ٢٣٣ کۆڵبەرێچ زامڎارۍ بیێنۍ.
بە پاو ئا ئامارۍ فرەیی ئا کەسا جە ئەنجامو تەقەی راسەوخۆو هێزەکاو دۆڵەتینە کریێنۍ ئامانج.
ئاماژە پانەیچ کریان، بە مەڵامەتوو فشارەکا و ڕاگیریەکاوە ۋەردەمو چالاکا مافەکا مرۆڤی و رێکوزیا مەدەنیەکا کە سەرحاڵۍ چەمڎاری ئاژەو مافەکا مرۆڤینۍ، بە ئەگەرۍ فرۆ ئامارەی حەقەتینەو کەردەی ئامانجو کۆڵبەرا زیاتەرا چانەی کە ئەرەیاۋېیان.
