هامسەرۆکو گرڏی پارتو یەکسانی و دیموکراسی گەلا (دەم پارتی) تونجەر باقرخان، دماو گلێرۆبییەو حەفتانەو پارتەکەیش جوابو پرسیارەو ڕۆنامەواناش داوە.

باقرخان جە جواب و پرسیارەو "چ کاتێ چنی ئەردۆغانی چەمپنەکەوتەی مکەری" ئینەش جواب داوە: "ئینانا جا باوەڕێنە چی حەفتەنە شاندەکەما چنی ئێژا ئەردۆغانی سەرۆککۆماری چەمپنەکەوتەی ئەنجام دۆنە. دۆخەکە ئەرێنییا، خاس بۆنە. جە تورکیانە بۆنە مەڵامەتو چێوێ عالێ و ئەرێنیێ. چەمەڕانمێ دلێ حەفتەینە چەمپنکەوتەی کەرمێنە."

باقرخان ئاشکراس کەرد، پەیوەس بە یاگێ چەمپنەکەوتەکەی هیچ زانیارییێشا پنە نەدریان و بە پاو قسەکا واتەواچو ئاکەپەی، عومەر چەلیک شرۆڤەو بابەتەکەی مکەرۆ.

باقرخان ئینەیشش وات: "تا وەکو ئیسە هیچ پەیوەندییێما پۆوە نەکریان، ئینایمێ چەمەڕاو ئانەینە پەیوەندیما پۆوە بکەرا و چەمپنەکەوتەکەی ئەنجام دریۆنە."