هەپەگە بە ئەرەیاونێوە شناسنامەو گەریلێوەش ئاشکرا کەرد کە جە گارە گەشمەرڏە بیەن و واتش: "یاڏکەردەیۆ هەمڕایما دلماف مکەرمێنە پاساوەو ئەوەکۆشای و بە دڵنیاییۆ ئامانجەکاش یاونمێنە بە سەرکۆتەی."
ئەرەیاوناو مییان و چاپەمەنی هەپەگەی پی جۆرەن:
"هەمڕاما دلماف عەفرین بە مەڵامەتو ڕووەدای تەقایۆ جە ٦و شوباتو ٢٠٢٥نە گەشمەرڏە بی.
ڕۆڵەو سەنگینیپو عەفرینی، میلیتانی ئاپۆیی هەمڕاو دلمافی بێ یۆ جا هەزاران میلیتانە فیدایاش دلێ تاریخو ئەوەکۆشایمانە نوستۆ. هەمڕاما بە ئایدیا و قەراردای گۆرە حەر ئەرکێوەش کەوتبۆ ئەستۆ، جابەجێش کەرێ و بیی بە مەشخەڵێوە ڕاو ڕۆشنای. هەمڕاما دلماف میلیتانێوە ئاپۆیی بێ، کە بە سەیەو باوەڕئاردەی بە ڕابەر ئاپۆی و پارتەکەیما و بە دڵسۆزییەکاشۆ پەی بەهاکا ئازادی گەلەکەیما، بڕوا دێ بە گرڏو هەمڕێیاش . جە هەرمانە و خەباتو هەرە گرنگەنە پەی پارتەکەیما یاگێش گێرتە. هەمڕاما دلماف بە درووسی، دڵسۆزی و جۆرە ژیوایێ فیدایییۆ، بیی بەشداربیێ شایستەو یاگێ بڕواو هەمڕێکاش. گرڏو ئەرک و هەرمانەکێش بە سەرکۆتەی کەرێ. هەمیشە ڕووەو هەمڕایما جا مێڏانەنە بییەن کە سەختترین جەنگش چنە بییەن، هەستش بە هەمڕێکاش کەرد جە مەڕەکا جەنگینە و کەوت دلێ هەوڵدای ئەوەکۆشای گۆرەتەری. هەمڕاما پی تایبەتمەندییاوە بی یاگێ وەشەویسی گرڏ هەمڕێکاما و ڕێز و شکۆو ئاڏشاش بە دەس ئارد. بە گەشمەرڏە بییەیش خەمێوە فرەش دا بە هەمڕێیاش. گرڏ کاتێ هەمڕاما دلماف بە خەباتکاری، ڕووەشییە و کەسێتی درووس یاڏ مکەرمێوە. یاڏکەردەیشۆ کەرمێنە پاساوەو ئەوەکۆشایش و بە دڵنیاییۆ ئامانجەکاش یاونمێنە بە سەرکۆتەی.
پێسەو هەمڕەیا دلماف عەفرینی هەمڕایما، سەرساغی جە بنەیانەو هەمڕایما، گەلوو عەفرینی و گرڏو گەلوو وڵاتپارێزیما مکەرمێنە و قەولما واوەی مکەرمێوە بیمێ شایستەو شەهیدە قارەمانەکاما و ئەوەکۆشایما یاونمێنە بە سەرکۆتەی.
زانیارییەکێ دەربارەو شناسنامەو هەمڕا دلماف عەفرینی پی جۆرەنێ:
ناسنام: دلماف عەفرین
نامێ و دمانامێ: خەلیل جومعە
یاگی جە ئەڏیابییەی: عەفرین
نامێ ئەڏێ و تاتەی: نورا – ڕەشید
کات و یاگێ گەشمەرڏە بییەیش: ٦و شوباتی ٢٠٢٥ / گارە."
