سەرۆکو ویلایەتە یۆگێرتەکا ئەمریکای دۆناڵد ترەمپ، ئەرەیاوناش گفتوگۆی ڕاستەخۆش چنی ئێرانی دەسپنەکەردەن، لاو وێشۆ ئێران ئاماژەش پانەیەدا گفتوگۆی ناڕاستەخۆ جە ١٢و نیسانینە جە عەممانەنە ئەنجام دریۆنە.
دۆناڵد ترەمپی سەرۆکو ئەمریکای ئەرەیاوناش چنی تارانی پەیوەس بە بەرنامە ئەتۆمییەکا ئێرانی "چەمپنەکەوتێوە ڕاستوخۆش" پێکئاردەن، بەڵام لاو وێشۆ تاران باسو چەمپنکەوتەو "ناڕاستەوخۆ"ی مکەرۆ.
ئی قسێ ترەمپی کاتو سەردانیکەردەیش پەی ناتانیاهۆی جە واشنتۆنە کریێ. بنیامین ناتانیاهۆ جە سەردانەکەشەنە کە مەرامش بە دەسئاردەو بازرگانی کەردەی بی، نەتاواش بەدەسش بارۆنە. ناتانیاهۆ جە دژو گرڏو ڕێککەوتنەکان چنی ئێرانی.
ترەمپ واتش، "چنی ئێران چەمپنەکەوتەی ڕاستەخۆم دەس پنەکەردەن و ڕۆو شەممەیچ بەردەوام بۆنە، گلێرۆبییەی فرە گۆرە ئەنجام مڏەیمێ."
لاو وێشۆ وەزیرو چبەرو ئێرانی عەباس عێراقچ ئەرەیاوناش، جە ١٢و نیسانی جە عەممان، بەینو ئێرانی و ئەمریکاینە گفتوگۆیێ ناڕاستەخۆ دەسپنەکەرۆ.
عێراقچش جە هەژمارو دیجیتاڵ میدیا ئێکسینە پەیامو وێش وەڵاکەردۆ و ئینەش واتەن: "ڕۆو شەممەی جە عەممانەنە، بەینو ئەمریکای و ئێرانینە جە ئاستێوە باڵانە چەمپنەکەوتەی ناڕاستەخۆ ئەنجام مڏەیمێ. ئی گفتوگۆ کەردەیە هەم دەرفەتێوەن و هەمیچ ئەزموونێوەن. تۆپ ئینا مێڏانس ئەمریکاینە."
