واحیدە عەبدۆ حەمۆ خەڵکو دەگاو قۆرێی کۆبانێنە. ڕازەو خاوەنداری و پارێزناو یۆ جە نەریتە کۆنەکا. بە شێواز و رێبازی کۆن بە هەڕە یانێ دروس مکەرا.

'ئی جۆرە یانه دۆسو ژیوگەینێ'

واحیدە عەبدۆ حەمۆ باسو وەشکەردەو یانا کۆنی مکەرۆ و ماچۆنە: "ئێمە هەڕەی وردە گلێر مکەرمێوە پەی ئانەی یانێش پنەوەش بکەرمێ، ئا شێوازو یانە دروسکەردەیە میراتێوەن جە باوانیماوە پەیما جیامەنەن، ئێمە چا یانانە گۆرێ بیێنمێ، ئا یانێ زمسانەنە گەرمێنێ و هامنەنە فێنکێنێ. بڕێ جارێ بە خشتە یانەکاما وەش مکەرمێ، سەرەتا خاکەکەیما گلێر مکەرمێوە، کاییش مکەرمێوە و کەرمێش بە هەڕە و ئی تێکەڵەیە پەی ماوەو ڕوێ مەنۆوە. دماتەر مکەرمێنەش بە خشتە تا وشک بۆوە و یانەش پنە وەش کەرمێنە."

'گەرەکما چا یانەنە ژیوۆنە'

تەنانەت هەڵمە و بووەو ئا یانەیە فرە وەشەنە. ئەڏیا واحیدە جە درێژەو قسەکاشەنە واتش: "من وێن ئا یانا وەش مکەرو و هامژینەکەم هامکاریم مکەرۆ، حەرچنە یانی تەرێما هەنێ، بەڵام هەڵای یانێ شێوازێ کۆنێم وەشێ گەرەکێنێ و گەرەکما چنەشا بژیوۆنە. تەنانەت تاونە جە ماوەو حەفتێوەنە یانێوە وەش بکەرو. هەرپاسە یانێ پەی نەوەکام وەش مکەرو."