هاوسەرۆکی گشتی پارتی یەکسانی و دیموکراسی گەلان (دەم پارتی) تونجەر باقرخان، لە دوای کۆبوونەوەی هەفتانەی پارتەکەی وەڵامی پرسیاری ڕۆژنامەوانانی دایەوە.

باقرخان لە وەڵامی پرسیاری "چ کاتێک لەگەڵ ئەردۆغاندا چاوپێکەوتن دەکەن" ئەمەی وەڵام دایەوە: "لەو باوەڕەدام لەم هەفتەیەدا شاندەکەمان لەگەڵ بەڕێز ئەردۆغانی سەرۆککۆماردا چاوپێکەوتن ئەنجام بدات. دۆخەکە ئەرێنییە، باش دەبێت. لە تورکیادا دەبێتە هۆکاری شتگەلی باش و ئەرێنی. چاوەڕوانین لە نێو هەفتەدا چاوپێکەوتنەکەمان بکەین."

باقرخان ئاشکرای کرد، پەیوەست بە شوێنی چاوپێکەوتنەکەوە هیچ زانیارییەکیان پێ نەدراوە و بە گوێرەی قسەکانی وتەبێژی ئاکەپە، عومەر چەلیک شرۆڤەی بابەتەکە دەکەن.

باقرخان ئەمەیشی گوت: "تا وەکو ئێستا هیچ پەیوەندییەکمان پێوەنەکراوە، لە چاوەڕوانی ئەوەداین پەیوەندیمان پێوەبکرێت و چاوپێکەوتنەکە ئەنجام بدرێت."