ئارۆ شاندو ئیمرالی، پارتو یەکسانی و دیموکراسی گەلا یاوا پانیشتوو کوردەسانی. شاندەکە پێکئامێ بێنێ جە ئەنداما شاندو ئیمرالی، پەروین بۆڵدانە و سری سۆرەیا ئوندەر، هامسەرۆکایەتی پارتو هەرێمە دیموکراتیکەکا کەسکین بایندرە، هەرپاسە جە نووسینگەو یاسایی سەدەیۆ، ئۆزگور ئەرۆل و ئیبراهیم بیلمەز، واتەوچوو کۆمیسیۆنو پەیوەندییەکا چبەرو دەم پارتی، بەردان ئۆزتورک و پەرلەمانتارێ گوڵجان کاچماز ساییت و محەمەد کاماچ.

شاندەکە جە هۆڵو مێمانا پرۆتۆکۆڵ جە دەروازەو سنوورو ئیبراهیم خەلیلی پێشوازیشا ونە کریا. دماتەر شاندەکە بەرەو هۆلێر کەوتێ ڕا.

ڕەنگە سەوای شاندەکە چنی مەسعود بارزانی سەرۆکو پارتو دیموکراتی کوردەسانی و نێچیرڤان بارزانی سەرۆکو هەرێمی فیدراڵی کوردەسانی گلێربۆوە. چی دیدارەنە وردەکاری سەردانەکاشا پەی ئیمرالی هامبەش مکەرا.

دماتەر شاندەکە سەردای سلێمانی مکەرا و چنی سەرۆکو یۆبییەی، بافڵ تاڵەبانی، قوباد تاڵەبانی و وەرپرسا تەرێ یەکێتی دیدار ئەنجام مڏانە.