شاندێوە جە ئەنداماو مافشناساو میاننەتەوەیی دژوو گۆشەگیری، کە جە ١٢ پارێزنەراو سوید، ئەفریقاو پانیشتی، ئیسپانیا، ئیتالیا بێنێ، پێوەس بە گۆشەگیرکەردەی ڕابەروو گەلوو کوردی عەبدوڵا ئۆجالانی، ئینێ تورکیانە و دماو سەردایەکەو ئامەدیشا، سەرێ ئەستەنبوڵیچشا دا.

ئەوەڵوو سەردایەکەیشانە، شاندەکە سەرێ نویسگەو یاسایی سەدەیشا دا، کە پارێزنەریی پەی ڕابەروو گەلوو کوردی  عەبدوڵا ئۆجالانی کەرا. شاندەکە لاو پارێزنەراوە نویسگەو سەدەیۆ؛ ڕازییە ئۆزتورک، ڕەزان سارجا، ئیبراهیم بیلمەز و جەنگیز یورکلیوە خێرامای کریێ.

'داواکارییەکێما وەزارەت ڕەتشا کەرۆوە'

سەردایەکەینە پێوەس بە هەرمانەکاو نویسگەو سەدەی زانیاریی دریا. ئەنداماو شاندەکەی واتشا ساڵانێوەن کە پێوەس بە پەرسەکاو گەلوو کوردیوە خەبات کەرا، پەی چەمپەنەکەوتەی ڕابەروو گەلوو کوردی عەبدوڵا ئۆجالانی سەرێ وەزارەتوو دادیشا دان، بەڵام داواکارییەکەشا وەزارەتی ڕەت کەردەنۆ. ئەنداماو شاندەکەی داواکاریی عەبدوڵا ئۆجالانیشا پەی ورگێرتەی مافوو پەنابەری ئیتاڵیانە ویر وستۆ و ئاماژەشا پانەیە کەرد پێوەس بە گۆشەگیریی ئیمراڵی چندین هەوڵێشا دێنێ.

'یەرێ ساڵێن هیچ زانیاریێوە سەروو ئۆجالانی مەدریۆ'

پارێزنەر جەنگیز یورەکلی سەروو دۆخوو گۆشەگیریی ئیمراڵی، کە یەرێ ساڵێن هیچ زانیاریێوە مەدریۆ، شاندەکەش وەنە ئاگادارێ کەردێوە.  یورەکلی واتش: "ئیمراڵی دماو ئڕفانای بەڕێز ئۆجلانی ئەرمەرزیا. چی سیستەمەنە کە بەتایبەت سەروو وەراوەروو بەڕێز ئۆجلانیوە  ئەرەمەرزیان، ٢٥ساڵێش ویەرنا. ئیساتێنە بەڕێز ئۆجالان یەرێ موەکیلێ تەرێما ئیمراڵینە گیریێنێ. سیستموو ئیمراڵی ڕۆ بە ڕۆ قورستەر کریۆ. ڕاپۆرتەو سی پی تی-یچنە ئاماژە پی دۆخەو ئیمراڵی کریان. دۆخوو ئیساتێ فرە قورسا. یەرێ ساڵێ تەماما نمەتاومێ هیچ زانیارییێوە ئیمراڵییوە ورگێرمێ. پەوکای ئامایتا قورساییش هەن، تورکیا ئینا چوارچوەو پەیمانەو مافوو ئەورووپاینە. بەڵام تاکە وەڵاتا کە ئی پەیمانێ مەیاونۆ یاگێ. سیستەموو ئیمراڵی فرە قورس کریان. تەنانەت ئا نامێ  کە کیانمێشا مەزانمێ یاوا بە موەکیلەکەیما یا نا، مەزانمێ دۆخوو موەکیلەکاما  ئیساتێ چەنینا و ئینا چە بارودۆخێوەنە. بەپاو پیمانەکاو ماندێلای ۆم چەمپەنەکەوتەی کریۆ، بەڵام ماوەو یەرێ ساڵان چەمپەنەکەوتەی نەکریان و ئاستەنگی وەش کریۆ."

پارێزنەرێ ڕاپۆرتەشا سەروو ئیمراڵی دا دەسوو شاندەکەیۆ.

شاندەکە سەرێ ئەدایاو شەممە، هەدەکە، ئیهەدەی و ئیهەڤی لقوو ئەستەنبوڵی کەرا.