شارەوانیی فرە زوان کە لاو قەیوم و ئاکەپەییەکاوە کریا ئامانج، دماو ئانەیە شارەوانییەکێ کەوتێ دەسوو پارتوو یەکسانی و دیموکراسیی گەلا (دەم پارتی) واوەی کەوتێ بواروو بەیاگەیاونایوە. پەلیانەکاو ئینتەرنێتوو شارەوانییەکاو وانی و ئامەدی و مێردینە کوردیی زیاد کریا. تابلۆو لوایچوەروو شارەوانیی تەتوانینە دەم پارتی کوردییش زیاد کەرد. مەحمود ئەمین گەیلانی ئاکەپەیی زوانی کوردییش پۆو تابلۆکەیۆ کەردۆ، بەڵام دەم پارتی واوەی زیادش کەردۆ.

گرووپی دەم پارتیی شارەوانیی تەتوانی وەڵێونیارێوشا کەرد پەی نیایراوەی تابلۆو "شارەوانیی تەتوانی" کە ساڵەو ٢٠١٩ سەرۆکوو شارەوانی ئاکەپەی محەمەد ئەمین گەیلانی کەندۆ. دەنگداننە سەرەتا ئەنداماو ئاکەپەی دژش مدرێوە، بەڵام دماو ئانەیە وەڵێنیارەکە فرەو دەنگاش بەدەس ئاردێ، پەسەند کریا. دماو قەرارەکەی، دەروازەو شارەوانییەکەینە تابلۆو "شارەوانیی تەتوان"ی بە زوانی کوردی و تورکی ورواسیا.