دکتۊر ھانی عاشور ئەرەیاۋناش؛ تورکېا یاسا نێم دۊڵەتېەکا پاشێل مکەرۊو تاۋانۍ مرۊیۍ و کۊکوشیۍ دژو عێراقی و گەلەکەیما ئەنجام مڎۊ، چونکی بە درێژایی چنڎین ساڵان ئا وڵاتە دەسدرێژی مکەرۊنە سەرو ژیۋگەو عێراقی، ماچۊ؛ ترکېە ڕێککۊتەکا جە بارەو ۋەردایۊ بەشە ئاوەو عێراقی جابەجۍ مەکەرۊ.

دکتۊر ھانی عاشور، کە شارەزاو ھەرمانو کاری ئەمنی و سەروازی عێراقیا ۋاتش؛ تورکېا یاسا نێم دۊڵەتېەکا پاشێل مکەرۊو تاۋانۍ مرۊیۍ و کۊکوشیۍ دژو عێراقی و گەلەکەیما ئەنجام مڎۊ، چونکی بە درێژایی چنڎین ساڵان ئا وڵاتە دەسدرێژی مکەرۊنە سەرو ژیۋگەو عێراقی.

ئاماژەیچش پانەی کەرڎ، جە ساڵەو ١٩٦٤ېۊ تا ئېسە زیاڎ جە ١٠ جارا ڕێککۊتەی چنی ترکېەی سەبارەڎ بە دۊسیەو ئاوۍ ئەنجامدریان، بە تایبەتی جە ساڵەکاو ١٩٩٣- ١٩٩٨ی، بەڵام ترکېە ڕێککۊتەکا جە بارەو ۋەردایۊ بەشە ئاوەو عێراقی جابەجۍ مەکەرۊ.

عاشور ۋاتش؛ ترکېە دڎان مەنېۊ پانەیرە کە عێراق بەشش جە ئاۋەو بەحرەکاو دیجلەو فوراتېەنە ھەن، پێسە چنی مېساقو نەتەۋە یۊگێرتەکاو ڕێکوزیا نێم دۊڵەتیەکانە ھەن، کە پەشتڕاسش مکەراۋە، کە دۊڵەتا قەراخ بەحری ئەشۊ ئاۋی بە ھامبەشی بەش کەرانۍ.

ئانەیچش وست ڕوۋە، کە گرڎ ۋەختۍ ترکېە دەسش بېەن جە بڕیەو ئاۋەو دېجلەو فوراتینە، کە مێنە دلۍ عێراقی و سوریای، بە تایبەت چی ماۋە دماینەنە، کە نزیک بە ٧٠% و بەشە ئاۋەو عێراقی و سوریای کەمش کەرڎەن.

دکتۊر ھانی ۋاتش، قەیرانەو کەمی ئاۋۍ بە ڕۊشنی جە عێراقەنە بەرکەوتەن، پەنەوازەن ئەرەیاۋاینە بۊ، چونکی عێراق توشو پرۊسەو بۍ ئاۋی بېەنۊ و ئېنەیچ پاشێل کەرڎەو مافە یاساییەکاو ۋڵاتەکەیمانە، کە جە ڕێککۊتە نێم دۊڵەتیەکانە زەمانەت کریان.

یاگۍ سەرنجېا، دەیان ساڵێن دۊڵەتو ترکی بە ۋەردەوامی بەشە ئاۋەو عێراقېش بڕیێنە، جە ئېسەیچنە ئا دۊڵەتە ئەرەگېرە زیاڎ جە ٧٠% بەشە ئاۋەو عێراقېش بڕیەن، سەرەڕاو بیەو داڎگێۋە تایبەتی کە بارەگاکەش ئېنا ئەڵمانېا، کە مافو ١٩٥ ۋڵاتا پۍ بەشکەرڎەو بەشە ئاۋۍ پارێزنۊنە.

ھ.ش