چەتەکۍ داعشی سەرو ڕاو دەگاو خوەیبرەی سەرو سنوورو ئەل دەشیشەی هرووژمشا کەرڎ سەرو ترۊمبێلو هێزەکاو ۋێپارێزنای و ٤ جەنگەوانۍ هێزەکاو ۋێپارێزنای گەشمەرڎۍ بیۍ. مەنبەجیچنە جە ئەنجامو هرووژمێوەنە ٢ هاموڵاتیۍ مەدەنیۍ زامڎارۍ بیۍ.
چەتەکۍ داعشی کە دۆڵەتو ئەرەگیرو تورکی هامکاریشا مکەرۆ، سەرو ڕاو دەگاو خوەیبرەی سەر سنوورو ئەل دەشیشەینە هرووژمشا کەرڎ سەرو ترۊمبێلێوە هێزەکاو ۋێپارێزنای، جە هرووژمەکەنە ٤ جەنگەوانۍ هێزەکاو ۋێپارێزنای گەشمەرڎۍ بیۍ.
هێزەکاوی سوریای دیموکراتیک (قەسەدە) جە دۊروبەرو شەدادینە هۊرشا کوا سەرو چەتە داعشە هرووژمکەرەکا و باڵبەسێشا کەردۍ.
هرووژمو چەتەکاو دۆڵەتو ئەرەگیرو تورکی پەی سەرو کانتۆنو مەنبەجی بەردەواما. جە ئاکامو تۆپوارانو دۆڵەتو ئەرەگیرو تورکی و چەتەکاش پەی سەرو دەگاو جب مەخزومی هاموڵاتیێوە بە نامۍ فەتومە ئەل محەمەدی (٢٣ ساڵ)ۍ و جە دەگاو جەبلەت ئەل حەمرای هاموڵاتیێوە بە نامۍ بەرەکات عەبدوسەلامی (٤٨ ساڵ)ی زامڎارۍ بیۍ.
