شەهبانە پانێڵێوە دەربارەو شۊڕشوو وەرنیشتی و دەوروو ژەنۍ لوا ڕاوە
پەیەدە_عەفرین بە بۊنەو ساڵیادوو شۊڕشوو ١٩ ی تەمووزیوە پانێڵێوەش ڕێک وست، بەشداربیۍ ئەوەخوایشا کەرڎۊ، شۊڕشەکە جوابیوە بییەن پەی دەرەنجامەکاو پەیماننامەو لۊزانی.
پانێڵەکە جە کەمپوو سەرڎەموو شارۊچکەو ئەحداسینە کانتۊنوو شەهباینە لوا ڕاوە، جە چوارچوەو چالاکییەکانە بۊنەو ١١مین ساڵیادوو شۊڕشوو ١٩ تەمووزوو ٢٠١٢.
پانێڵەکە بە درووشموو "بە ڕۊحوو ژەنە مدرامانکەرا و ئیرادەو گەلە شۊڕشگێڵنا، شۊڕشوو ١٩ تەمووزی بەرز کەرمێوە" لوا ڕاوە، ئەنداماو پەیەدەی و نوێنەراو پارتە سیاسییەکا و ئەرەمەرزیایە مەدەنییەکا بەشدارۍ بێنۍ.
ڕاوەبەروو پەیەدەی_لەقوو عەفرینی، سورەیا موستەفا، جە واچەو خێراماینە، ئاماژەش کەرد کرد بە دەوروو شۊڕشی جە ڕێکوستەی گەلینە و واتش: "گەل جە سفرۊ دەسش پەنە کرد و جە ڕاو شۊڕشیوە ڕیزەکێش ڕێکۍ وستۍ،شۊڕش بونیادوو گلێرگەیش پتەوتەر کەرد. شۊڕش فرسەتش دا پێکئامایەکا تا بە زوانوو وێشا بوانا، بەتایبەت کورڎەکێ".
دەربارەو دەوروو ژەنۍ شۊڕشنە، سورەیا واتش: "ژەنی بناغەو شۊڕشینۍ. شۊڕشنە هەنگامۍ گەورێشا نیۍ. ژەنی جە ڕاو شۊڕشیوە وێشا ئشناسا"، داواشا وەنەو ژەنا کەرڎە "کۊشیاکەیشا قەوەتتەر کەرا".
دماتەر بڕۍ جە بەشداربییاو پانێڵەکەی باسشا جە گرنگیی شۊڕشوو سەرنیشت و وەرکەوتوو سوریای کەرد، سەروو بناغەو پڕۊژەو نەتەوەی دیموکراتیکوو ڕابەروو گەلوو کوردی عەبدوڵا ئۊجالانی، پێسە جوابێوە پەی دەرئەنجامەکاو پەیماننامەو لۊزانی (٢٤ تەمموزوو ١٩٢٣)، واتشا، ئی سەدە بۊ بە سەدەو ئامایدیی ئازادی و دیموکراسیی گەلا.
س.ز
