شه‌نگالنە یاڎوو ئەد ئه‌رزانۍ كریاوە
ته‌ڤگه‌روو ئازاڎیی ژەنە ئێزدییا (تاژێ)، ئەڎائه‌رزانە، ئا ژەنه پیرۍ، کە به‌ته‌نیا یانەکەشنە ژیوێیاڎە کەرڎۊ، کە لاو چه‌ته‌كاو داعشیوە وەختوو ئەمرەو ٧٤ه‌مینینە کوشیا.
ئەڎا ئه‌رزانە، كه دلۍ ئێزدییەکانە به ئەڎاپیرۍ ئشناسیۍ بۍ، وەڵۍ ئەمرەکێنە به‌ته‌نیا یانەکەشنە سه‌روو ڕاو بەینوو شارۊچكه‌و سنونۍ و دوگرێنە ژیوۍ. وەختوو ئەمرەو ٧٤ه‌مینینە، چەتەکاو داعشی كوشتە. پێسە ڕووەدایه‌كای تەروو ئەمرەکۍ، كوشتەی ئا ئەدۍ كه به‌ته‌نیا ژیوۍ، ئێشێوە گه‌وره‌ش وست دلۍ دڵ و ڕۊحوو گه‌لوو ئێزدیوە. كوشتەی ئەڎاپیرۍ ڕاددەو دڕنده‌یی چه‌ته‌كاو داعشیش نیشانە دا.
ساڵانه ته‌ڤگه‌روو ئازاڎیی ژەناو ئێزدی (تاژێ)، وەردهموو یانەو ئەڎاپیرێنە یاڎش کەراوە و وەعدوو هەقسانایۊ گردوو ژەنە ئێزدییا مدا.
ئێساڵیچ به هه‌مان مه‌به‌ست ئه‌نداماو تاژۍ وەردهموو یانەو ئەڎاپیرێنە كوۍ بیێوە و بە یاڎەشا کەرڎۊ، لاو وێشۊ ریهام حچۊ، ئه‌ندامەو ده‌سەو ڕاوه‌به‌ریی تاژۍ ئەرەیاونا‌كه‌یش واناوە.
ئەرەیاوناکەینە جە كه‌سایه‌تیی ئەڎا پیرێنە گردوو گەشمەرداو ئەمرەکۍ و ئانێچ کە پەی ئازاڎكەرڎەی شه‌نگالی گیانشا به‌خشان یاڎۍ کریێوە و دلێشنە ئامان، "ئەڎا ئه‌رزانە پەی گردوو ژەناو شه‌نگالی هێما بۍ. وەختۍ چه‌ته‌كاو داعشی هجوومشا كەرد سه‌روو شه‌نگالی، به‌بۍ جیاوازی، ژەنۍ، زارۊڵۍ، پیرۍ و گه‌نجێشا كەردۍ ئامانج و دڕندانه كوشتێشا. كوشتەی ئا كه‌سا تووڕه‌یی داعشیش وەرانوەروو گلێرگەی ئێزدی وست ڕووە. ئەڎا ئه‌رزانە تا ئاخیر به جلوبه‌رگ و كولتووروو ئێزدییاوە ژیوا، بۊنەو كولتووره‌كه‌یشۊ لاو چه‌ته‌كا‌وه كرایه ئامانج و كوشیا.
به‌شێوە تەروو ئەرەیاوناکەینە ئامان، بۊنەو ا زوڵمیوە وەراوەروو ژناوە كریان، ئێمه پێسە تاژۍ تا ئاخیر كۊشیاینە به‌رده‌وامۍ بیمۍ و ده‌س وەنەو دوژمنی مەپارێزنمۍ. تا ئاخر یاگەپۍ ئا گەشمەردا وەرمەدەیمۍ و وێما بە ساعیبشا مزانمۍ.
ئاخیروو ئەرەیاوناکەیۊ ئامان، "جە كوشیای هه‌زاران كه‌سا پێسە ئەڎاپیرێنە نه ته‌نیا چه‌ته‌كاو داعشی، به‌ڵكوم ئا هێزۍ وەڵۍ ئەمرەکێنە شه‌نگالنە بێنۍ و وەختوو ئەمرەکێنە ورئامۍ و بیۍ بایسوو ئا كاره‌ساته گه‌وره‌یه، وەرپەرسێنۍ.
دماتەر دروشمه‌كاو "گەشمەردۍ مەمرا"، "نه‌مەنەی پەی خیانه‌تی و ناپاكی" و "بژیوۊ مدرامانوو شه‌نگالی" وچیێوه.
س.ز
