ئا ٢٥ گەریلۍ کە جە ئاکادیمیاو گەشمەرڎە ئەرداڵینە پەروەردەو ۋێشا جە دەورەو گەشمەرڎە سەرخوەبوون سەرحەدینە تەمام کەردەبۍ، ئەرەیاۋناشا کە ئی پەروەردە و ڕا ئاوردەیە مکەرا بە بنەماو کۊشیای ماڕای سیستەمی و واتشا: "شۊنماو ئێمە کەشەکۍ کوردسانینۍ".
٢٥ گەنجۍ کوردی کە بەشدارۍ ڕیزەکاو گەریلای بیۍ، دەورەی پەروەردەیشا جە کەشەکا کوردسانینە بەسەرکەوتەیی تەمام کەرد.
جەنگەوانە تازەکۍ کە بە ئیراڎە و جۆشێوە گەورۆ شەهادەو سەرکەوتەیشا هۊرگێرت، جە بەیاننامێوە هامبەشەنە ئەرەیاۋناشا کە گەلوو کوردسانی ڕووبەڕوو پرۆسەو بیەی و دلێنەشیەی بیەنۆ، بەتایبەتی دژوو گەنجاو کوردی جەنگی تایبەت ملۊڕاوە و واتشا: "حۊڵ مڎا پا جۊرە گەنجاو کوردی جە ڕاسی و قارەمانیی ۋێشا دوور وزاوە و گەرەکشانە کەراشا بە ئامێرێوە میکانیکی خزمەتوو سیستەمینە با."
کەشەکۍ کوردسانی شۊنماو ئێمەنۍ
حەرپاسە جە ئەرەیاۋنا هامبەشەکەشانە واتشا: "ئاڎۍ گەرەکشا نیا چی سیستمەنە کە ئینسانی پېسە ڕۆبۆتی پنەمکەرۆ بژیۋا، تەنیا شۊنێوە کە بتاوا چنەشەنە بژیۋا کەشەکۍ کوردسانی و تەڤگەری ئازاڎییا، سەروو ئا بنەمایۍ ئێمە بەشدارۍ دلۍ ڕیزەکاو گەریلای بیەیمۍ، ئێمە پېسە ٢٥ جەنگەوانا کە جە ئاکادیمیاو گەشمەرڎە ئەرداڵی دەورەو پەروەردەیی گەشمەرڎە سەرخوەبوون سەرحەدیما بە سەرکەوتەیی تەمام کەردەن، بە ۋیر و ئایدیۆلۆجیاو ئاپۆیی کە جە پەروەردەنە هۊرما گێرتەن ۋێما عالتەر بە ڕێکوستەی مکەرمۍ. ئێمە بە دیسیپلینوو کەلتوور و ئەخلاقی ئاپۆیی ئاشنۍ بیەیمۍ. وەعد مڎەیمۍ ئی پەروەردەیە بکەرمۍ بە بنەماو ئەرەکۊشای پەی ماڕای سیستەمی. هاموەخت داوا جە گەنجاو کورد، عەرەبی و ۋەرکەوتوو دلېڕاسەی مکەرمۍ، بەشدارۍ ڕیزەکاو گەریلاکا ئازاڎیی کوردسانی با و دژوو ئی سیستمە گڵیاوەیە ئەرەپڕا، ئیتر وەسێن."
ڕووەشا کەردە هەرێمەکاو ۋێشا
دماو ئەرەیاۋنا هامبەشەکەیشا، گەریلا تازەکۍ بە دروشمەکا "بژیۋۆ سەرۆک ئاپۆ"، "بەگیان بە ۋنی ئینایمۍ چنیت ئەی سەرۆک"، "بێ سەرۆکی ژیۋای مەبۆ"، "بژیۋۆ پارتوو کرێکارا کوردسانی" پەی جابەجۍ کەردەی ئەرکەکاشا ڕووەشا کەردە هەرێمەکاو ئەرەکۊشای".
