ڕۊو شەممەی، جە شاروو شتۆتگارتوو ئەڵمانیای، گلېرۊبیەیۍ گەورە دژوو ڕاستڕەوەکا ئەنجام دریا و بە پاو قسۍ ۋەرپەرسا پۆلیسی ٥٠ هەزار کەسۍ بەشداری گلێرۊبیەکەی بێنۍ.

بە هامپەیمانیێوە ۋەرفراوان سەندیکا، ڕۆشنۋیرا، بازرگانا، کڵێسا و پارتە سیاسەکا بەشدارۍ ۋێنیشانداکەی بێنۍ.

دماو ئانەی نەواخنوو کۊبیەیۆ نازییە تازەکا و ڕاوەبەرا (ئەفەدە)ینە ئانە ئاشکرابیەن، کە سەروو بەرکەردەی و کیاستەیۆ پەنابەرا، گفتوگۆکریان، جە چنڎین شارێنە ۋێنیشاندای ئەنجامدریا دژ پا ڕاستڕەوا.

جە چالاکیەکەنە دروشمەو 'شتۆتگارت نەفرەت جە ئەفەدەی کەرۆ' بەرزکریاوە و سەندیکاکۍ، پەنابەرا، ڕێکوستەو پەنابەرا، جەمەوو کلتوری، چالاکا دژە فاشیزم و گەنجاو شتۆتگارتی ناوەنڎوو گلېرگەو دیموکراتیکی کوردی شتوتگارت و چنڎین کەسۍ تەر بەشدارۍ ۋێنیشانداکەی بێنۍ. جە چالاکیەکەنە ئاڵاو یەپەگەی، یەپەژەی و پەیەدەی، جە تەرەفوو کوردا بەشدار جە ۋێنیشانداکی بەرزکریاوە.

دماو گلېرۊبیەکەی، نزیکەو ١٠ هەزار کەسا  جە شتورتگارتەنە بە دروشمەو "جەنگ جە دژوو فاشیزمی" دەسشا بە ڕاپیمای کەرد.