سلێمان عیسا، ئەندامو دەسوەڵوستەی ئازادی پەی ڕابەر عەبدوڵا ئۆجالانی جە سوریانە ئەرەیاوناش، ماف و ئازادییە بنەڕەتییەکێ جە ئیمرالینە پاشێلێ کریانە و داواش جە سی پی تی، گرڏو ئەرەمەزیا مییاننەتەوەییەکا مافو مرۆڤی کەرد جە دژوو ئا پاشێلکارییا هەڵوێسشا بۆنە.
کۆمیتەو ڕاگیری جە ئەشکەنجە و مامەڵەکەردەو نائینسانانە و ئۆروپای (سی پی تی) بەینو ٧پەی ١١و نیسانی سەردانو بڕێ جە زینانەکا تورکیایش کەرد، بەڵام چا سەردانەینە نەلێ زینانو ئیمرالی کە ڕابەر ئاپۆش دلێنە زینانی کریان. هەرپاسە سی پی تی دماین جار جە ساڵەو ٢٠٢٢نە سەردانو زینانو ئیمرالیش کەرد بەڵام ڕاپۆرتەکێش پەی ڕاو گرڏی وەڵا نەکردۆ.
فرەپاساوی بێ بنەما
سەبارەت بە سەردانی نەکەردەو سی پی تی پەی زینانو ئیمرالی و گۆشەگیریی سەپیا پەی سەر و ڕابەر ئاپۆی، سلێمان عیسا ئەحمەد، ئەندامو دەسوەڵێ وستەی ئازادیی پەی ڕابەر ئاپۆی جە سووریانە، یاڏش وستیمێ کە بە ساڵانە پارێزنەرێ و بنەیانەکێ بە بەهانێ جۆراوجۆرێ ڕاگیریشا ونە گیریۆنە چنی ڕابەر ئاپۆی و زینانیێ تەرێ ئیمرالی گلێرێ باوە.
'ڕاپۆرتە وەڵاکریێکێ سیاسیینی'
سلێمان عیسا ئەحمەد بە ئاماژەدای پانری کە ماف و ئازادییە بنەڕەتییەکێ جە دوورگەو ئیمرالینە پاشێلێ کریانە، واتش: "گرڏو یاسا مییاننەتەوەییەکا پاشێلێ کریانە. هیچ نموونێوە هامشێوەو زینانو ئیمرالی جە جەهانەنە نییا، فرە جە ڕێکوزیا مییاننەتەوەییەکا سەردانو ئیمرالیشا کەردەن و ڕاپۆرتە و ڕاسپاردەکێشا پێشکەش کەردێنێ. داخەم مەشۆ تا ئیسە دۆڵەتو ئەرەگیرو تورکی ئا ڕاسپاردێشە جابەجێ نەکەردێنێ. هەرپاسە سی پی تی جە ماوەو ویەردەینە چنین جارێ سەردانو ئیمرالیش کەردەن. لوای سی پی تی پەی ئیمرالی ماناو وێش جەدەس دێنە، چونکە تا ئیسە هیچ ڕاپۆرتێشا پەی ڕاو گرڏی وەڵانەکەردێنۆ. ساڵەکا ویەردەی کە لوێنی دماو چن ساڵ ڕاپۆرتەکا وەڵاکەرێنێوە. بەڵام داخەم مەشۆ چی دماییا ڕاپۆرتەکێشا تەنیا ئاماژەدای پێ بە سەردانەکەی و هیچ زانیاریت گشگیر وەڵا نەکەرێنێوە. هەرپاسە ڕاپۆرتە وەڵاکریێوەکێ یاسایێ نەبیێنێ و فرەیشا سیاسیێ بیێنێ. سی پی تی بەپاو یاسا و مافو مرۆڤی مامەڵەش نەکەردەن، بەڵکوم بەپاو هەستیارییەکا دۆڵەتو تورکیای مامەڵەش کەردەن. پۆکەی لواو سی پی تی پەی ئیمرالی ماناو وێش جەدەسدان."
هەڵوێسو سی پی تی یاگێ شەرمینە'
سلێمان عیسا ئەحمەد ئاماژەش پانەیش کەرد، ئەر سی پی تی ئەنجامو سەردانەکا زیانییەکا وێش ڕاپۆرتە نەکەرۆ و پەی ڕاو گرڏی وەڵا نەکەرۆوە، ئانە سەردانییەکەش هیچ مانێوەش مەبۆنە و واتس: "بەهەزاران زینانێ سیاسیێ جە زینانەکا تورکیاینە هەنێ، تا ئیسە سی پی تی هیچش چا بارۆ ئاشکرا نەکەردەن. تا ئیسە هیچ ڕاپۆرت و قسێش چا بارۆ پێشکەش نەکەردەن. پۆکەی هەڵوێسو سی پی تی و سەردان نەکەردەیشا پەی زینانو ئیمرالی ئیدانە مکەرمێنە، هەرپاسە بێدەنگیشا جە وەراوەرو پاشێل کارییەکا مافو مرۆڤی جە زینانەکا تورکیاینە یاگێ شەرمینە.با بۆنۆ داوا جە سی پی تی و گرڏو ڕێکوزیاکا مافو مرۆڤی مکەرمێنە ئەرکو وێشا چا بارۆ جابەجێ بکەرا."
