لە ئامەد پرسەکە لە ڕێکخستنی دەم پارتی دانرا و وێڕای ڕێکخراوەکانی کۆمەڵگەی مەدەنی و پەرلەمانتارانی پێشوو، دایکانی ئاشتی سەدان کەس بەشدار بوون.

لە پرسەکەی ئامەددا هاوسەرۆکی شارەوانی گەورەشاری ئامەد، دۆغان خاتوون قسەیکرد و لە قسەکانییدا تیشکی خستە سەر تێکۆشانی ئاشتیخوازانەی سری سورەیا  ئۆندەر و وتی: "بۆ هەمیشە ئاڵای ئاشتیخوازی بەڕێز ئۆندەر بەرزدەکەینەوە و تێکۆشانمان لە پێناو ئامانجەکانییدا بەردەوام دەبێت."

هەر لە پرسەکەدا هاوسەرۆکی شارەوانی گەورە شاری وان، سەرا بوجاک لە قسەکردنی دەربارەی تێکۆشانی ئۆندەردا دەسنیشانی کرد، تێکۆشانی ئۆندەر بۆ بونیاتنانی کۆمەڵگەی دیموکراتیکی و شێوە ژیانی دیموکراسیانە بوو.

پرسەی سری سورەیا ئۆندەر لە شارەکانی دیکە

لە ڕحا پرسە دانرا و لە بەرەبەیانییەوە گەل بە کۆمەڵ سەردانی پرسەکە دەکەن.

لە شاری شڕناخ بە شێوەیەکی جەماوەری بەشداری پرسەی ئۆندەر کرا.

سەردانی گەل بە مەبەستی سەرەخۆشی لە ڕۆژانی داهاتووشدا بەردەوام دەبێت.