بافڵ تاڵەبانى سەرۆکوو یۆبییەی نیشتمانیی کوردستان (یەنەکە)ی میانەو پێشکەشکەردەی وتارێوەنە دیداروو ڕافیدەینینە شاروو بەغداینە سەبارەت بە چند پەرسێوە ک قسێش کەردێ و بەشێوە قسەکاشنە واتش: "پەکەکە دوژمنوو ئێمە نیەنێ و پەیوەندیما هەن چنیشا و ئێمەیچ دوژمنایەتیى پەکەکەی و هیچ هێزێوە تەروو دلێ هەرێموو کوردستانی مەکەرمێ".

باسیچش کەرد، "تورکیا بەردەواما جە هجوومە درۆنییەکاش، یەرێ هامڕێم، کە دژوو داعشی جەنگشا کەرد، تورکیای گەشمەردێ کەردێ، پەوکای پێویسا تورکیا بلۆوە هەرمانەو هەواڵگێری و سەروازییشرە ".

ئانەیچش وست ڕووە، "قەرارەکەو دادگای فیدراڵی بارەو یاساو ورچنیەی ھەرێموو کوردستانیوە قورس و سەخت بێ، چون ساڵانی وەڵیننە ورچنیەی نادادپەروەرانە ھەرێموو کوردستانینە  کریابێ".

واتیچش، چند لایەنێوە گەرەکشانە ھێزەکاو ئەمریکای عێراقنە بلا بەرۆ، بەڵام گرنگا بە پاو ڕێککەوتەی تازەی ئەمریکا و بەریتانیا عێراقنە مەناوە. واتیچش، ئەمریکییەکێ پێویسا بزانا عێراق گەرەکشا پەیوەندی جەنی سەرجەموو وەڵاتا وەش کەرۆ بەشێوێوە، کە بەرژەوەندیی عێراقینە بۆ و پێویسا واشنتن جە بارودۆخوو عێراقی بیاوۆنە.  

بافڵ تاڵەبانى باسیچش کەرد، مەکریۆ پێسەو دژمنی چەنی بەغدای مامەڵە کریۆ، بەڵکوم مشۆم بە شێوێوە واقیعی مامەڵە کریۆ و ھەماھەنگی بەینوو ھەردووە لاینە بۆ.