سەرتاسەروو عێراقینە کارەبا بڕیا
عێراقنە ئاویر جە وێستگێوە سەرەکیی بەرهەمئارڎەی کارەبێنە کەوتۊ، پا بۊنەوە پی گەرماو هامنی، سەرتاسەروو وەڵاتەکەینە کارەبا بڕیا.
دەسەڵاتداراو عێراقی واتشا، ڕۊو شەممەی سەرتاسەروو وەڵاتینە کارەبا بڕیێنە.
بە پاو ئەرەیاونیاو وەزارەتوو کارەبۍ، پارێزگاو بەسرەینە ئاویر جە ویستگێوە کارەبێنە کەوتەنۊ، پەوکای سەعات ١٢:٤٠ بە وەختووو بەغدای کارەبا بەتەمامی بڕیێنە.
وەزارەتەکە واتەنیچش کە بڕیای کارەبۍ کاریگەرییش سەروو تەماموو عێراقی بییەن.
عێراقنە وڕایرەی چێرخانی ئابووری، ناکارامەیی جە یاونای خزمەتگوزارییە گردینەکانە، جەنگی دەیان ساڵە و گەندەڵی بیێنۍ بایسوو قووڵتەربییەیۊ کێشەکا. ئا وەڵاتە ژمارەو ئەرەنیشتاش ٤٣ ملوێن کەسێن، فرە دۊڵەمەندا بە سامانوو نەوتۍ و گازی.
بۊنەو بڕیای کارەبێوە پەی فرەو گەڕەکەکا کارەبا بە مۊلیدە دابینە کریۊ. دەکرێت.وەلۍ فرەو خێزانەکا تواناشا نییەنە، کە ڕاو مۊلیدەیۊ کارەبا کێشا. جگە ئانەی کارەباو مۊلیدە ئەهلییەکا بەشوو گردوو ئامێرە کارەباییەکا، بەتایبەتی فێنککەرەوەکا پێسە سپلێتی مەکەرۊ.
گرد هامنێوەکە پلەو گەرمای پایتەختنە یا مەنتێقەکاو پانیشتوو عێراقینە یاوۊ ٥٠ پلۍ سەڎی، کوشیایۊ کارەبا بەبەرڎەوامی کوشیۊوە و ئینەیچ کاریگەریی جیددی سەروو ژیوای ڕوانەیۊ منیۊرە.
س.ز
