سودانی: ئاماڎۍ پاڵپەشتیکەردەینمۍ جە حکومەتو شام-ی
سەرۆککۆمارو سووریای و سەرۆك شالیارو عێراقی پەیوەندیێوە تەلەفۆنیشا ئەنجامدا و دمایین ڕووەدایەکۍ ناوچەکەیشا جە بوارو وەرەنگاربیەیۆ تیرۆرینە تاوتوێکەردۍ.
کۆشکەو سەرۆکایەتی سووریای سەبارەت بە پەیوەندیێوە تەلەفۆنی بەینو سەرۆککۆمارو سووریای و سەرۆك شالیارو عێراقی بە ئەرەیاۋنێوە ئاماژەش پانەی دا کە بەشار ئەسەد سەرۆککۆمارو سوریای چنی محەمەد شیاع سودانی سەرۆک شالیارو عێراقی، جەختکریانۆ جە پاڵپەشتی و پەشتیوانی هەردووە وڵاتی پەی ڕووبەڕووبیەیۆ مەترسی تیرۆری و پێشئامایەکا کە ناوچەکەش گێرتەنۆ.
ئاماژەیچ پانەی کریان، سەرۆک شالیارو عێراقی ئەرەیاۋنانش، کە ئاسایشو عێراقی و سووریای یەک ئاسایشا و ئامادەیی عێراقی پەی پێشکەشکەردەی گرڎ پاڵپەشتیێوە پەنەواز بە سووریای جە ڕووبەڕووبیەیۆ تیرۆری بەربڕیەن.
ئینەیچ جە کاتێوەنە عێراق بە چڼین قەیرانۍ و هرووژمۍ مېیاننەتەوەیرە مویەرۆ. لەشکرکێشیەکۍ دۆڵەتو تورکی پەی سەرو خاکو عێراقی و بەتایبەت خاکو پانیشتوو کوردەسانی بەردەواما.
هەر جە بارەو مەترسییەکا ئی چن ڕووەو هرووژمو چەتەکا سەر بە دۆڵەتو تورکی جە سوریانە، فەرماندەیی گرڎی یەکینەکاو مڎرامانوو شەنگالی (یەبەشە) هێزی جە ئەرەیاۋنێوەنە ئاگاڎیش بە گەلی دا جە بارەو مەترسی ئا هرووژماوە پەی سەرو خاکو عێراقی و بە هرووژمەکا ٢٠١٤و چەتەکا داعشیش وێنا کەرڎ سەرو عێراقی و بەتایبەت سەرو شەنگالی.
