سوپاو توركی ئەرەگیری به پەشتیوانیی په‌ده‌كه‌ی هجووم کەرۊ
هه‌په‌گه ئەرەیاوناش، سوپاو توركی ئەرەگیری، كه گورزی قورسش جە ڕاو گه‌ریلاكاو ئازاڎیی كورڎسانیوە وەرگنۊ و مەتاوۊ وەراوەرشا مرڎۊوە، به پەشتیوانیی په‌ده‌كه‌ی هجووم کەرۊ.
ناوه‌ندوو ئەرەیاونای و چاپه‌مه‌نیی هه‌په‌گه‌ی ئەرەیاوناێوەنە له واتەنش، گه‌ریلاكاو ئازاڎیی كورڎسانی وەراوەروو هجوومەکاو دوژمنیوە به ئیراده و پاگێرتەیرەی فرەوە وێگێری کەرا. جە گارزاننە هه‌تا زاپ به ڕۊحی فیدایی ئاپۊییوە كۊشیای ئه‌فسانه‌یی کەرا. سوپاو توركی كه وەراوەروو مدرامانوو هێزه‌كاماوە بێئه‌نجام بییەن، به هامكاریی په‌ده‌كه‌ی له مەیڎانوو مدرامانوو کەشوو ئۊرتێنە له مه‌تینانە هجووم کەرۊ سه‌روو هێزه‌كاما و هه‌وڵۍ مدۊ مەیڎانەکەنە بنۍ وزۊ.
هه‌په‌گه باره‌و چالاكییه‌كاو گه‌ریلا و هه‌رپاسە هجوومە ئەرەگیرییەکاوە زانیاریی وردش وەڵا کەرڎەنۊ، كه پێسەن:
"جه هەرێموو گەشمەرڎە ده‌لیلوو وەرنیشتوو زاپینە:
٢٨ تەمووزی سەعات ٠٧:٣٠ جە مەیڎانوو مدرامانوو کەشوو جودینە، گورز جە ٢ سه‌نگه‌راو ئەرەگیرا دریا، چالاکییەکە هێزەکاو یەژاستاری کەرد.
٢٨ تەمووزی سەعات ١٣:٣٠ مەیڎانوو مدرامانوو کەشوو جودینە، کامێرێوە چەمداری ئەرەگیرا كرایه ئامانج و دلێنە بریا. چالاکییەکە هێزەکاو یەژاستاری کەرد.
٢٩ تەمووزی سەعات ١٥:٣٠ مەیڎانوو مدرامانوو کەشوو جودینە، بە چەکی قورس سه‌نگه‌ره‌كاو ئەرەگیرا كریۍ ئامانج و گورز له سه‌نگه‌رێوە دریا.
٢٩ تەمووزی سەعات ١٦:٠٠ مەیڎانوو مدرامانوو کەشوو جودینە، بە چەکی قورس جە ئەرەگیرا دریا و جه ئه‌نجامنە ئەرەگیرێوە سزا دریا.
٢٩ تەمووزی سەعات ١٦:٣٠ جە مەیڎانوو مدرامانوو کەشوو جودینە، وەختۍ ئەرەگیرۍ دەسشا بە جموجووڵی کەرد، بە چەکی قورس كریۍ ئامانج و ئەرەگیرێوە سزا دریا. چالاکییەکە هێزەکاو یەژاستاری کەرد.
٢٩ تەمووزی سەعات ١٨:٠٠ مەیڎانوو مدرامانوو کەشوو جودینە، بە چەکی نیمچە ئۊتۊماتیک، پانێڵێوە وەرەتاوو ئەرەگیرا كریا ئامانج و دلێنە بریا.
هه‌رێموو مه‌تینای
٢٩ تەمووزی سەعات ٠١:٢٠، هه‌لیكۊپته‌ر مەیڎانوو مدرامانوو کەشوو ئۊرتێنە سووڕیێوە. هەلیکۊپتەرەکاو سوپاو توركی ئەرەگیری ٣ جارۍ سەروازە توركه ئەرەگیرەکێش بنكێوە په‌ده‌كه‌ینە کەشوو ئۊرتێنە وەزنێرە. ئەرەگیرۍ چا شۊنێنە کەوتۍ جموجووڵ هجوومی زەمینی. هێزەکێما بە چەکی سووك و نیمچە ئۊتۊماتیک دێشا وەنە.
٣٠ تەمووزی، بەینوو سەعات ٠٢:٠٠ پەی ٠٤:٠٠، هه‌لیکۊپتەرەکاو سوپاو تورك ئەرەگیری ٣ جارۍ سەروازە توركه ئەرەگیرەکێشا بنكێوە په‌ده‌كه‌ینە کەشوو ئۊرتێنە وەزنێرە.
