سویسرانە ئاهەنگەکاو نەورۊزی سەرەمڕێنۍ

جە سویسرانە ئاهەنگەکەو نەورۊزی نەمرڎێنۍ. جە شاروو زوریخ-ینە بە وەڵۍوەبییەی گلێرگەی دیموکراتیکوو کوردی جە سویسرا(جەدەکە – سە) ئاهەنگوو نەورۊزی کریا.

ئاهەنگوو نەورۊزی جە هۊڵوو کڵێسەو (سی تی جاکۊب ڕیفۊرمیرت)ی ساز کریا. "یوکسەل کۊچ" هامسەرۊکوو کەجەدەکە – ئە، "سەلما سورەر"ە، هامسەرۊکەو جەدەکە – سە، ڕاوەبەراو پارتوو سۊسیالیست (سەپە)، پارتوو کرێکاراو سویسرای( پەدئا)، پارتوو لیبڕالی سەوزی (لەدەپە)، مادیکۊ ئینتەرناسیۊنال و پرڎەو برایەتیی بەینوو ئامەد – زوریخی و "جیهاد عومەر" نوۍنەروو وێڕاوەبەریی سەرنیشت و وەرکەوتوو سووریای بەشڎارییشا کەرد.

یۊڵدا مایەر- ئەوەڵۊ قسێش کەرڎۍ و باسوو تارێخوو نەورۊزیش کەرد. دماتەر "سەلما سورەر"ە جەژنەو نەورۊزیش جە ئاماڎەبییا مەبارەکە کەرڎە و واتش، "ئۍمە سەرڎەمێوە زوۊن نەورۊزی مەبارەک کەرمۍ. ئەوەڵۊ کاوەی هامچەرخ مەزلۊم دۊغا، ڕەخشان زەکیە، گرڎوو گەشمەرڎا نەورۊزی بەڕێزۊ یاڎ کەرمێوە. نەورۊز ڕۊو  مدرامانین. ئێمەیچ ئی مدرامانی گەورەتەر کەرمۍ."

جیهاد عومەر ئەرەیاونایچش، کە نەورۊز جە گردوو وەرکەوتینە بە جۊشوخرۊشۍوە گەورەوە خێرامایش وەنە کریا و باسوو ئانەیچش کەرد، کە "عەبدوڵلا ئۊجالان" ڕابەروو شۊڕشوو وەرنیشتی پێویسا ئیتر ئازاڎ کریۊ.

یوکسەل کۊچ-یچ نەورۊزش جە بەشڎاربییا مەبارەک  کەرد و ئانەش ویر ئارڎۊ، کە ئاویروو نەورۊزی، کە بە سەرمەشقبییەی "عەبدوڵلا ئۊجالان"ی وەڵۍ ٥٠ ساڵانە کریاوە، ئارۊ یاوان ملوێنان کەسۍ و نەورۊزش جە گەلا مەبارەک کەرد.

ئاهەنگوو نەورۊزی بە گۊرانیۍ و ورپڕای دماییش ئاما.

س.ز