تەڤگەروو ئازادی ژەنە ئێزدییا (تاژێ) بە ئەرەیاوناێوە تیرۊرکەرڎەی فریال سلێمان خالدێش کەرکوکنە شەرمەزار کەرد و واتش: "حەر ژەنێو حەر یاگێوەنە وەراوەروو ئەرەگیری مرڎۊوە، کریۊ ئامانج و گەشمەردۍ کریۊ".

ئەرەیاونایەکەو تاژۍ نەعیم بەدەیۍ واناوە.

کەسێتیی هەڤاڵ زەلاینە گردوو گەشمەرداو ئازادیی یاڎۍ کریێوە، وچیا: "دەوڵەتوو تورکی و پەدەکە بە هامکاری، چندین هامڕۍ ئێمەشا کەردێنی ئامانج و تیرۊرێشا کەردێنۍ، گردیچ تەرسیشانە جە هێزوو ژەنا، وەلۍ خاس بزاندۍ ئێمەی ژەنی حەرگیز دماییما نمۍ و سەدان سەرمەشقۍ جە ئێمە مەیا یاگۍ ئادیشا و وەنەو دوژمنی پەرساوە".

حەرپاسە بە بۊنەو ٦ەمین ساڵیاڎوو ئەرەگیرکەرڎەی عەفرینیوە، پەشتیوانیی جڤاکی و بەتایبەت ژەناو ئێزدی پەی گەلوو عەفرینی ئەوەخوای کریاوە، وەعد دریا عەفرین دەسوو چەتەکاوە ڕزگار کریۊ، شەنگال و وەرنیشت یۊنێ. با دوژمن بزانۊ نە وەرنیشت بۍ شەنگالی و نە شەنگال بۍ وەرنیشتی بۊ، وچیا: "پێوە دەوڵەتی ئەرەگیرکەروو تورکی هەرێمەکانە بەرکەرمۍ ".

ئەرەیاونایەکە بە درووشموو "بژیوۊ مدرامانوو عەفرینی و شەنگالی و وەرنیشتی" و " گەشمەردۍ مەمرا"ی دماییش ئاما.