تەڤ-چاندو کانتۆنو فوراتی دژو هجومەکا سەرو سەرنیشت و وەرکەوتو سووریای ئەرەیاونێوەش وەڵاکەردۆ و واتش: "سەرمەشقایەتی جەنگو گەلی شۆڕشگێڵنیی مکەرمێ. چنین بە قەڵەم و هونەرەکەیما خزمەتو گلێرگەو وێما کەرد، ئارۆیچ بە گردو هێز و ڕێبازو وێما مڏرامان مکەرمێ".
تەڤ-چاندو کانتۆنو فوراتی وەردەمو ناوەندو چاندی و هونەرو باقی خەدۆینە جە دژو هجومەکا سەرو سەرنیشتی و وەرکەوتو سووریای ئەرەیاونێوەش وەڵاکەرۆ.
ئەرەیاوناکەی جە لایەنو نەجلا ئەل بۆزانێوە ونیاوە و پی جۆرەنە:
"دۆڵەتو تورکی ئەرەگیری و فاشیست دووژمنو گەلو کوردین. بییەو وێش جە نەبیەو کوردینە وینۆوە. پەی ئانەی قڕکەردەو گەلو کوردی کەرۆنە ئامانج گرد شێوازێ خراپ و بێ ئەخلاقانە بەکارمارۆ. هجومی دژە مرۆڤانە و نا یاسایی وەراوەر بە گەلەکەیما مکەرۆ. جە وەراوەرو ئا هجومانە گردو هێزە جەهانیەکا بێدەنگێنێ و هامکارێ دۆڵەتو تورکی فاشیستینێ.
ئیسە دۆڵەتو تورکی فاشیستی جە چوارچێوەو هەمان سیاسەتو ئەرەگیری و قڕکەردەی جە شەهبا و حەلەب دەسش پنەکەردەن. ئامانجش چا هجوما تەنیا شەهبا و حەلەب نییا، بەڵکوم گەرەکشا تەمامو خاکو سووریای ئەرەگیرکەرۆ، بەتایبەتی خاکو سەرنیشت و وەرکەوتو سووریای. ئا چەتێ کە جە دەورو وێش کۆشکەردێنی گرد تاڵنکارێ و کۆیلێ دۆڵەتو تورکینۍ. دووژمنو سروشتی و ژەنێ و گلیرکەینێ. بلا هەر یاگێ کاولش مکەرا، و دەسش سەرەرەگیراو و تاڵانش مکەرا. دۆڵەتو تورکی دوژمنو مرۆڤایەتییا.
جە وەرانوەرو ئا هجومانە گەلەکەما مڏرامان مکەرۆ. هێزو وێپارێزنایما بە ئیرادێوە بەهێزۆ جەنگ مکەرۆ و گەلەکەیما چی هجوما پارێزنمۍ. هێزە سەروازییەکێما وگەلەکەیما پێوەرە بە ڕۆحو جەنگو گەلو شۆڕشگێڵی مڏرامان مکەرمێ. وڵاتو وێما، خاکما، گلێرکەیما پارێزنمێ. دەس جە ئازادی و ئیدارەو وێڕاوەبەریما هۆرمەگێرمێ.
پێسەو هونەرمەند و ڕۆشنویر، ئەنداما چاندی و هونەری و ئەدەبی جە وەرا وەرو ئی هجومە ئەرەگیریا تا دماین مڏرامان مکەرمێ. سەرمەشقایەتی جەنگو گەلو شۆڕشگێڵنی مکەرمێ. چنین بە قەڵەم و هونەرەکەیما خزمەتما بە گلێرکەکەیما کەرد، ئارۆیج بە گرد هێز و ڕێبازێ ئەرەکۆشای مکەرمێ. پاریزناو خاک، وڵات، کلتوور و زوانما ئی وەرپرسیاریەیە وزۆ ئەستۆما.
موبارەک بای جە جەنگاوەرەکاما مکەرمێ کە ئینێ بەرەکا جەنگینە و بە دڵ و بە گیان ئینایمێ چنیشا. مڏرامانو گەلەکەیما جە شەهبا و حەلەب موبارەک مکەرمێ و هەر چێوێ گنۆ ئەستۆما ئامادێنمێ. بانگەواز جە گەلەکەیما مکەرمێ بەبێ دووەدڵی بەشداری پارێزنای جە وڵاتەکەیمانە بکەرا. سەرەڕاو مەترسییەکا دەرفەتما هەن پاسە بکەرمێ جەهان پێسەو وڵاتێ ئازادی قەبووڵما کەرۆ.
پێسەو نەتەوەو دیموکراتیکی؛ کورد، عەرەب، ئاشوور، سریانی و ئەرمەنی و چەرکەسی و گردو پێکئاردەو هەرێمەکەی پێوەرە مڏرامانەکاما بە سەرکەوتەی کەرمێ بە ئامانج. جارێوە تەر بانگەواز جە گرد گەلو جەهانی مکەرمێ کە پەشتیوانیما کەرا. بە تایبەت بانگەواز جە گردو هونەرمەندا و ڕۆشنبیرا جەهانی مکەرمێ کە بێدەنگێ نەبا. سەرکەوتەو گەلەکەیما سەرکەوتەو مرۆڤایەتی ئازادی و دیموکراتیکیا. ئی شۆڕشە کە جە سەرنیشتو وەرکەوتو سوریانە دروس بییەن، نوێنەرایەتی بەهاکا گکێرکەی و مرۆڤایەتی مکەرۆ.
ئیدارەو وێڕاوەبەری سەفەربەریش ئەرەیاونان. بە گردو هێزیماوە بەشداری ئی سەفەربەرییە بیمێ و ماچمێ؛ بە ساز و قەلو وێتا، بە دەنگ و ڕەنگو وێتا، بە قەڵەم و فکرتا، بە کۆشش و چالاکییەکاتا بەشداری ئی مڏرامانەیە بکەردێ. ڕۆ ڕۆو خاوەندارێتییا جە کەرامەتی و ڕۆو پارێزنای گەلی و خاکین".
