"سۊران سەردار" ئەنڎامو دەسەو ئاماڎەکارو مەراسېمو نەورۊزی جە ئەنجومەنو ھەرێمی کەرکوکو تەڤگەری ئازاڎیی گلێرگەو کورڎسانی پۍ ئاژانسەو ھەۋاڵی فورات(anf)ی قسێش کەرڎو ۋاتش؛ تەمامو ئاماڎەکاریەکا مەراسېمو نەورۊزی تەمامیێنۍ و یاگۍ ئەنجامداو مەراسېمەکەیچش ئەرەیاۋنا.

 "سۊران سەردار" ئەنڎامو دەسەو ئاماڎەکارو مەراسېمو نەورۊزی جە ئەنجومەنو ھەرێمی کەرکوکو تەڤگەری ئازاڎیی گلێرگەو کورڎسانی بە ئاژانسەو ھەۋاڵی فورات(anf)یش ئەرەیاۋنا؛" ئێمە پێسەو کۊمېتەو ئاماڎەکارو نەورۊزی بە کەرڎەیۊ ئێرو نەورۊزی زەماۋنەو نەورۊزی و سەروساڵەو تازەی کورڎی پېرۊز کەرمۍ، گرڎ ساڵۍ ئێمە پێسە ئەنجومەنو کەرکوکو تەڤگەری ئازاڎیی مەراسېمو نەورۊزی ڕاۋەبەر مکەرمۍ، ئێساڵېچ پێسە ساڵانی ۋەڵېنی مەراسېمۍ جەماۋەری جە مەنتېقەو "شێۋە سورو" سەربەناحېەو تەقتەقی ساز کەرمێنە".

حەرپاسە سەبارەڎ بە ۋەختو ئەنجامداو مەراسېمەکەی "سۊران سەردار" ۋاتش:" صەۋای ڕۊو جومعەی، ١٧ و ئاداری، چێرو دروشمەو 'نەورۊز ھێماو ئاخێزو گەلان، جە پاو ژیای ئازاڎیینە' مەراسېمو نەورۊزو کەرکوکی جە مەنتېقەو شېۋەسورو سەر بە ناحیەو تەقتەقی سەعاڎ ١ و دما نېمەڕۊی پېرۊز کەرمێنە.

جە دماینە "سۊران سەردار" بەنامۍ دەسەو ئاماڎەکارو مەراسېمو نەورۊزی پەیامێش ئاڕاسەو کەرکوکېەکا کەرڎو ۋاتش:" داواکارەنا جە تەمامو کەسایەتی، ڕێکوزیاکا، لایەنە سېاسیەکا، تەمامو توێژەکاو شارو کەرکوکی و پانېشتوو کورڎسانی، کە ڕۊو جومعەی ١٧ و ئاداری بەشڎاری جە مەراسېمو نەورۊزو کەرکوکی کەرانۍ و حەتا بتاۋا پێۋەرە مەراسېمو سەرو ساڵەو کورڎی پېرۊز کەرمۍ.

ھ.ش