هامسەرۆکەو گردی دەم پارتی تولای حاتەم ئۆغۆللاریە واتش: "بەرەکا ئیمراڵی بکەردێوە تا ئیژا ئۆجالانی وینمێنە"، هەرپاسە ناڕەزاییش وەرا وەرو هجومە ئەرەگیریاکانە نیشانەدا و واتش: "دەس جە ئاژاوێ هۆرگێردێ، وڵاتەکەی مەوزدێ دلێ کارەساتی".
هامسەرۆکەو گردی پارتو یەکسانی و دیموکراسیی گەلا (دەم پارتی) تولای حاتەم ئۆغۆللاریە جە گلێرۆبییەو حەفتانەو فراکسیۆنو پارتەکەیشنە وەڵۍ ئامایەکێش هۆرسەنگنێ. ئەنداماو شاندی مییانەتەوەیی کە بە داواو دیداری چنی ڕابەر ئاپۆی داواکاریشا پێشکەش بە وەزارەتو دادی کەردەبێ، بەشدارێ بیێ.
تولای حاتەم ئۆغۆللاریە سەرنجش وست سەرو قەیرانەکا سیستەمو سەرمایەداری و گرژییەکا وەرکەوتوو مېیامینی، بەتایبەتی پشێوییەکا جە سوریانە بەمەڵامەتو هجومو چەتەکا هەیئەی تەحریر ئەل شامی و سوپاو نیشتیمانی سوریای پەی سەرو مەنتیقەکا سوریای و کۆچبەربییەی دەیان هەزار کەسا، واتش: " هەیئەو تەحریر ئەل شامی کە جە تەمامو جەهانینە پێسەو ڕێکوزیێوە تیرۆریستی قبووڵ مکریۆ، هامشانو سوپاو نیشتیمانی سوریای هجومشا کەرد سەرو چن یاگێوە. ئەر ویرتا بۆ، سوپاو نیشتیمانی سوریای ئا ڕێکوزیانە کە تورکیا هامکاری لۆجیستی و مەعاش و گرد چێوێشا پەی مەیسەر مکەرۆ. پەرسمێ، هەیئەو تەحریر ئەل شامی و سوپاو نیشتیمانی سوریای و ئەل قاعیدە و داعش، جەنگی بە وەکالەت پەی کێ مکەرا؟ چەمەڕاو جوابو ئی پرسیارانمێ. ئینێ لوێنێ دلێ شارو حەلەبی، کە یۆن جە شارە گرنگەکا سوریای. ئی چەتێ جەنگی بە وەکالەت مکەرا، هەوڵمڎا بەزۆرەملێ شارەکا تاڵان بکەرا".
ئەرەیاوناش ئینەی ئێسە ڕووەمڎۆ هەمان سیناریۆو ساڵەو ٢٠١١ ین، جە ٢٣ ۍ ئۆکتۆبەرو ٢٠٢٣ ـ هامکێشەو جەنگی فاڕیان پەی ڕەوشێوە پەڕ جە پشێویی، ئینە پەی گردو وڵاتەکا یاگێ تەرسێنە.
داواش جە دەسەڵاتی کەرد دەرس جە ساڵەو ٢٠١١ ی هۆرگێرۆ و دەسوەردای چی جەنگەنە نەکەرا، تاوەکو زیاتەر وڵات بەرەو ورای نەبەرا، دەس جە وەرمو عوسمانی تازەی وەردا، واتش: "چی پرۆسە ئاڵۆزەنە هەوڵمەڎەیدۍ دەسکەوتو کوردا جە وەرنیشتەنە سەڕدێ".
جەختش کەردۆ ئی چەتێ ئیسە هجوم مکەرا هەمان زیهنیەتو داعشیشا هەن و نەک هەر پەی سوریای پەی تورکیای و گردو جەهانی یاگۍ تەرسێنۍ.
حاتەم ئۆغۆللاریە ئەرەیاوناش تەشەنەکەردەو جەنگی جە وەرکەوتو مېیامینینە پەی گردو وڵاتا هەرێمەکەی و تورکیایچ کارەساتا. پۆکەی مشۆم جیۆپۆڵەتیکی ئاشتی جە هەرێمەکەنە جابەجێ کریۆنە، واتش: "بە حیچ جۆرێ ئی هجوما قەبووڵ نمەکەرمێ. ئەۋەکۆشای دەم پارتی پەی چارەسەرو دیموکراتیکی و ئاشتییانەو پرسو کوردین. ئێمە چنی بنیاڎنیای وەرکەوتو مېیامینی دیموکراتیکینمێ. جە کاتێنە هەڕەشۍ جەنگو ئەتۆمی جەهانەنە هەن، تاکە چارێ، ئاشتییا. چێگۆ دیسان ماچمێ، چەتەکێ و پەشتیوانەکێشا شکس مارا".
تولای حاتەم ئۆغۆللاریە سەرنجش وست سەرو قسەکا سەرۆکو گردی مەهەپەی دۆڵەت باخچەلی جە ١ و ئۆکتۆبەرینە و گفتوگۆیەکێ دەربارەو پرسو کوردی، جەختش کەردۆ پەنەوازا مەردەو هەزارەهای و جەنگ و هەژاری چی وڵاتەنە دمایش پنە پێ، واتش: "ئێمە زوانو ئاشتی وێما پارێزنا. بڕێ لایەنۍ بێشەرمێ ماچا "هامسەرۆکەکا دەم پارتی چارەسەریشا گەرەک نیا" ئینێ دروێو و بوختانەنە.
دەم پارتی هیواو ئاشتیۍ شکۆدارین. ئایا سەرۆککۆمار چی پرۆژێوەش هەن کە واچێ هیوام نییا؟ نەک هەر ئێمە، گرد مەراقشانە. ئێمە چەمەڕانمێ چی ڕوۆ قسۍ بکەرا".
جەختش وست سەرو داواکاری هامسەرۆکو دەم پارتی تونجەر باقرخانی پەی دیداری چنی ڕابەر ئاپۆی، واتش: "هەڵای جواب نەدریانۆ. ئێمە چەمڎاری ئاژەکەی مکەرمێ. چن ڕوێ وەڵێ ئیسەی ئەردۆگان واتش "پەنەوازا ئازۍ بیمێ و هەنگامێ تازێ بنییەیمێ". ئێمە ماچمێ، پێسەو ئازایۍ، بەرەکا ئیمراڵی بکەردێوە و با دیدار چنی ئێژا ئۆجالانی ئەنجام بڎەیمۍ.
سەرۆکو گردی مەهەپەی ئارۆ پرسیارەش کەردە "دەم پارتی چکۆن". سەرەتا ماچمێ، دەس جە زوانو هەڕەشا وەردەیدێ. بە هەڕەشێ قسێ مەکریا. سەرەتا یاودێنە. دیسان ماچمێ، دەم پارتی ئینا چنی چارەسەر یۍ دیموکراسیی".
