تەڤگەرو ژەنا کوردا ئەوروپای (تەژەکە_ئە) ئەرەیاۋناش چەتەکۍ بە ئاڕاسەکەردەی دۆڵەتو ئەرەگیرو تورکی پلانێوە قووڵەشا جە سوریا و سەرنیشت و ۋەرکۆتوو سوریای دەس پنە کەرڎەن، دژو هەڕەشەکا قڕکەردەی بانگەوازش کەرد پەی ۋێپارێزنای.

جە ئەرەیاۋناکەینە تەژەکە_ئە ئاماژە مکەرۆ بە هرووژمو دۆڵەتو فاشیستو تورکی و چەتەکا پەی سەرو ۋەرنیشتی، چەتەکۍ دۆڵەتو تورکی گەرەکشانە دەسکۆتەکا گەلی بەتایبەت شۆڕشو ۋەرنیشتی دلېنەبەرا، ماچۆ: "دۆڵەتو سوریای ۋەرا ۋەر بە هرووژمەکا، ئیراڎەو ۋێش نیشانە نەڎا، پەی پارێزنای گەلی هەڵوێسش نیشانە نەڎا و گرڎو شۆنەکاش پەی چەتەکا جیائاست. ئی ئاژە گرڎو گەلا سوریایش ڕووبەڕوو مەترسی و کۆمکوژی کەردەنۆ.

پلانێوە قووڵە پەی ۋەرکۆتوو مېیامینی و سوریای ئینا ئارانە. دۆڵەتو تورکی ئیسفاڎە چی ئاژەیە هۆرمگێرۆ و هەوڵ مڎۆ ئامانجە قڕکەر و کۆلۆنیالیستی و نەژاڎ پەرسی و پاوانوازییەکا ۋێش بەدی بارۆ. سەرو ئی بناغەیە گەرەکشانە دەسکەوتەکا گەلوو کوردی و گەلا و ژەنا کوردی نازا و قڕکەردەی کوردا ئەنجام بڎا. دۆڵەتو تورکیای ئینا پەشتەو هرووژمو چەتەکاوە. ئاشکران کە ئینە مەبۆ بە مەڵامەتوو کۆمکوژی و قڕکەردەی زیاتەر پەی سوریای و ۋەرکۆتوو مېیامینی.

پېسە تەژەکە_ئەی بەتایبەت داوا جە ژەنا و گەلی و دۆسا و گرڎو مرۆڤدۆسا مکەرمۍ، ۋەرنیشتی پارێزنا".