جە ئەرەیاۋناکەو تەژەکە-ئەینە ئامان: "چی کاتەنە کە ئینایمۍ پرۊسێوە تاریخینە، ڕۆو ٨و ئاداری ڕۆو جەهانیی ژەنا ڕەنجدەری جە گرڎ شۊنێوە ئۊروپاینە چنی ژەنا کوردی و دۊسەکاشا بە جۆش و خرۆشێوە گۊرۆ پیرۆز کریا. بێگومان پەی جابەجێکەردەی ۋەرپرسیاری پڕۆسەکەی و جوابدایۆ سڵامەکەو ڕابەر ئاپۆی چڼین هەڤاڵۍ کۊششکارێما و گەلەکەما چی ڕووانە سەرمەشقی مڎرامانیشا کەرڎ و خاوەنداریشا جە ڕابەرایەتی کەرڎ".

ئەرەیاۋناکەی پی جۆرە بەردەوامبۍ: "ڕابەرایەتی سەدەو ٢١یش پېسە سەدەو ژەنا پێناسەکەرد. سەدەو ٢١ جە لایەنو دەسکەوتەکا ژەناوە، جە لایەنو زانابیەی ژەنا و ئەوەکۊشای بە نامۍ ۋێشاوە فرە گرنگا. بە نزیکایەتی کۆنفیدڕاڵیزمو ژەنا دیموکراتیکی ژەنا هەوڵشا دا سیستەمو ۋێشا ئەرەمەرزنارە، پەی ئانەی ئایندێوە ئازادی ڕێکوستەی بە دی بارا کۊششا کەرڎ. ٨و ئاداری بە جەماوەری ۋېیەرد، بە تایبەتی بەشداری جوانە ژەنا فرە فرە بۍ.

دروشمۊو 'ژەنی، ژیۋای، ئازادی' پەی گرڎو ژەنا هەم پەی گەلا کە ئەوەکۊشای ئازادی ڕاوەبەر مکەرا بی بە واچێوەو خاوەنداریش چنە کریا، هەرپاسە مۆڕاڵش بە ئەوەکۊشای ئازادی ژەنا بەخشا، هەم ئەوەکۊشای ژەناش جە جەهانەنە زیاتەر وەڵا کەرڎۆ.

ۋەرو ئینەیچ بە هەلهەلە و هۊرپڕای ژەنا جە فەڕەنسا، بەلجیکا، ئەڵمانیا، سویسرا، هۆڵندا، نەمسا، بەریتانیا و چڼین وڵاتۍ تەرۍ سیمینار، پانێڵ، نیشاندای فیلمی، چالاکی کەلتووری ئەنجام دریا. سوپاسو هەمڕایاما مکەرمۍ کە سەرمەشقیشا پەی ئی چالاکییاشا کەرڎ و ئەوەکۊشۍ. تا بە دی ئارڎەو ئازادی بەڎەنیی ڕابەر ئاپۆی و مسۆگەرکەردەی ستاتۆو گەلوو کوردی ئی هەڵمەتۍ فراوان مکەرمۍ و ئەوەکۊشمۍ".