تەژەکە-ئە بانگەوازوو بەشداریکەردەیش چا چالاکیەنە کەرد کە جە ١٥و گوڵانینە ستراسبۆرگەنە ئەنجام مڎریۆ و واتش: ڕۆ ڕۆو سەفەربەری ئازاڎیی ڕابەر ئاپۆی و پەشتیوانیکەردەین جە گەریلایا قارەمانی."
تەڤگەروو ژەنا کوردوو ئەوروپای (TJK-E) جە ئەرەیاۋنێوەنە بانگەوازش کەرد و جە ئەرەیاۋناکەینە پیلانگێڵنی میان نەتەوەییش شەرمەزارکەرد و گەشمەرڎا کۊشیای و قارەماناش یاڎۍ کەردێوە و کە دژوو پیلانگێڵنی مدرامانشا کەرد.
دەقوو ئەرەیاۋناکەی پی جۆرەنە:
"ئا گۆشەگیرییە ڕەها و هجوومۍ دژوو ڕابەر ئاپۆی هەنۍ، دژوو گرڎوو گەلوو کوردی، ژەنۍ و مرۆڤایەتییا. بێدەنگی گرڎوو ڕێکوزیا میان نەتەوەییەکا و بە تایبەت سی پی تی پاسە مکەرۆ کە فاشیزموو ئاکەپە-مەهەپەی فرە زیاتەر درێژە بە سیاسەتوو پیسی ۋێشا بڎا. حەرپاسە بێدەنگی ڕێکوزیا میان نەتەوەییەکا بە ماناو شەریکە تاوانەو ئی فاشیزمەیە مۍ.
پەی گەلوو کوردی، ژەنی، گەنجا و گرڎوو ئازاڎیوازا تەنیا ڕا دژ بە فاشیزمی گۊرەکەردەی کۊشیاین. ئینەیچ بە گلێرۆبیەی جە دەوروو ڕابەر ئاپۆیرە پێکمۍ. ڕۆ ڕۆو سەفەربەری ئازاڎیی ڕابەر ئاپۆی و پەشتیوانیکەردەی گەریلای قارەمانیا. ڕۊو بەرزکەردەیۆ دروشمەو؛ 'شمە مەتاودۍ ڕووەکاما تاریک بکەردۍ' و لایەق بیەین بە گەشمەرڎا. ڕۊو پێکئاردەی سەرکەوتەی ملیۆنیا کە دروشمەو؛ 'ژەنی، ژیۋای، ئازاڎیی' بەرزمکەراوەوە.
پېسە تەژەکە-ئەی جە ١٥ و گوڵانینە جە شاروو ستراسبۆرگینە چالاکی پەی ئازاڎیی ڕابەر ئاپۆی ئەنجام مڎەیمۍ، چالاکیەکە بۆ بە لقێوە گرنگوو کەمپینەکەیما. حەرپاسە چالاکیەکەما بۆ بە دڎانیایپۊرە و جەختکەردەیۆ پەیوەس بە ئازاڎیی ڕابەر ئاپۆی و نیشان دای ناڕازیبیەی جە ۋەرا ۋەروو ناتۆی و ئۆپراسیۆنە قڕکارییەکانە کە ئەردۆگان گەرەکشا ئەنجامشا بڎۆ. پېسە تەژەکە-ئەی داوا جە گرڎوو ژەنا مکەرمۍ بەشدارۍ چالاکیەکەیما با، کە جە ١٥و گوڵانینە جە ستراسبۆرگەنە ئەنجام مڎریۆ."
