ۋەرکۊتوو کوردەسانینە دووۍ چالاکۍ باڵبەسۍ کریۍ
شارو سنەینە جە ۋەرکۊتوو کوردەسانی جە لایەنو هێزە ئەمنییەکا ئێرانیوە دووۍ چالاکۍ بە مەڵامەتوو بەشداربیەیشا جە پیرۆزکەردەی نەورۆزینە باڵبەسۍ کریۍ، کە هامژینۍ یۆترینینۍ.
ڕێکوزیاو جەمەو مافو مرۆڤو کوردەسانی وەڵاش کەردۆ، هەڵمەتەو گێرتەی چالاکا کوردی جە لایەنو هێزە ئەمنییەکا ئێرانیوە بەردەواما و چا چوارچێوەیچەنە، ژەنێوە کوردە و هامژینەکەش، کە خەڵکۍ سنەینۍ باڵبەسۍ کریۍ، ماچا، ئا دووە چالاکۍ بەمەڵامەتو بەشداریکەردەی جە مەراسیمەکا نەورۆزینە باڵبەسۍ کریێنۍ.
سەرچەمەکە ئانەیچش وست ڕووە؛ جە چن ڕۊی ۋېیەردەنە ژەنە چالاکێوە کوردی بە نامۍ شنۆ محەمەدیۍ و هامژینەکەش بە نامۍ ئاریوان شاكری خەڵکو سنەی جە یانەکەو ۋێشانە جە لایەنو هێزە ئەمنییەکا ئێرانیوە باڵبەسۍ کریێنۍ و پەی یاگێوە نادیاری فاڕیێنێوە.
ئاماژە پانەیچ کریان، ئا دووە هامژینۍ چالاکۍ گلېرگەی مەدەنینۍ و بە بێ ئەمرەو دادوەری و بە مەڵامەتو بەشداریکەردەیشا جە مەراسیمەکا جەژنەو نەورۆزینە باڵبەسۍ کریێنۍ.
