دەفەگە و مەکەگە و دیسک پەیوەس بە ٣ ێ ئایاری ڕۆو ئازادی چاپەمەنی ئەرەیاونێوەشا وەناوە و واتشا: "ڕۆنامەنویسی تاوانە نییەنە، جە بنەڕەتەنە دادگایی کەردەی ڕۆنامەنویسا تاوانەی گەورێنە! هەتا چاپەمەنی ئازاد نەبۆ، مەکریۆ باس جە گلێرگەی ئازادی کەرمێ".
کۆمەڵەو ڕۆنامەوانا دیجلە و فوراتی (دەفەگە)ی و کۆمەڵەو ڕۆنامەنویسا ژەنی (مەکەگە)ی و کۆنفیدراسیۆنوو سەندیکاو کرێکارە شۆڕشگێڵنەکا (دیسک) و سەندیکاو خەباتکەرا چاپەمەنی و چاپخانەو تورکیای(باسن-ئیش) وەروودەمو بیناو دەفەگەینە جە ئامەد پەیوەس بە ٣ ێ ئایاری ڕۆو ئازادی چاپەمەنی ئەرەیاونێوەشا وەناوە، پەرلەمانتارێ و نوێنەرێ و ڕێکوزیاکێ و ئەرەمەزیاکێ ئاماڎێ بێنی.
هامسەرۆکوو دەفەگەی سەلمان چیچەک ئەرەیاوناکەش وەناوە، ئاماژەش پانەیە کەرد چەنی ڕۆو ئازادی چاپەمەنی هجومو و گێرتەی و هۆرکوای سەروو یاناو و سانسۆرو ڕۆنامەوانا تامێ زیاتەرێ با، ئامانج جە فشار وستەی سەروو ڕۆنامەوانا بێدەنککەردەی ڕۆنامەوانان و شارتەیۆو ڕاسییەکان.
سەرنجش وست سەروو گێرتەی و هۆرکوای سەرو یاناو ڕۆنامەوانا کوردی جە ئیستەنبوڵنە بە بەهانێ ئانەی هەواڵشا سەبارەت بە پرسوو کوردی و گۆشەگیری سەر و ڕابەرو گەلوو کوردی عەبدوڵا ئۆجالانی ئامادە کەردەن، ئینەیچ پاسە وازۆ کە فارایۆ ڕاسی و پرسە گلێرکەیەکا بە تاوانە ئەژمارە بکریۆ، وەختێنە دروسکەردەو هەواڵی هەرگیز بە تاوانە جەقەڵەم مەدریۆ.
هاموەخت سەرنج وسیا سەرو هجووموو پۆلیسوو بەلژیکای پەی سەرو بیناو مەدیا خەبەری و ستێرک تیڤی، جەختکریاوە کە ئی هجومێ تا ئیسە نەتاوانشا ڕۆنامەوانا کوردی و چاپەمەنی ئازادی بێدەنگ بکەرا و حەجگیزیچ مەتاوا بێدەنگێشا بکەرا.
ئەرەیاوناکەینە ماچا: "جە ٣ ێ ئایارینە ڕۆو جیهانیی ئازادی چاپەمەنینە داوا کەرمی گردوو هامپیشەکاماو بەتایبەت ٣ هەڤاڵە هامپیشەکێما ئازادێ بکریا. ڕۆنامەگەری تاوانە نییەنە. جە بنەڕەتەنە دادگایکەردەی ڕۆنامەوانا تاوانێوە گەورێنە! هەتا چاپەمەنی ئازاد نەبۆ، مەکریۆ باس جە گلێرگەی ئازادی بکەرمی".
نوێنەروو دیسکی جە ئامەدەنە حەقی بۆڵتان ئەرەیاوناش یۆ جە مەڵامەتەکا قەیرانوو ئابووری و سیاسی گێرتەو ڕۆنامەوانان، تا ڕۆنامەوانێ ئازادێ نەبا، قەیرانەکێ چارەسەرێ مەبا، پۆکەی داواو ئازادی ڕۆژنامەگەری مکەرمی.
نوێنەرو تەگەسەی مەحمود ئۆرال ئەرەیاوناش دماو هۆرچنییەی حکومەتوو ئاکەپە-مەهەپەی شکسش قبووڵ نەکەرد و دەسش کەردبە سیاسەتوو چەوەسنایۆ، بەڵام ئێمە پاشەکشە مەکەرمێ، واتش: "پەی ڕاگێرتەی جە تەننایۆ تاریکی ئەرەکۆشایما بەردەوام بۆ. سڵام چا ڕۆنامەوانا کە زینانەکانە مدرامان کەرا".
پەرلەمانتارو دەم پارتی سەڤیلای چەلەنک ئەرەیاوناش چاپەمەنی کوردی خاوەنو تاریخێوە ١٢٦ ساڵەییاو چی سەدەنە گێرتە و فشارو سەروو چاپەمەنی کوردی بەردەوام بییەن. تەنیا جە نەوەکانە، ٤٠ خەباتکارێ ڕۆنامەوانێ کوشیێنێ، بەڵام ئەرەکۆشای جە دژوارتەرین هەلومەرجەنە بەردەوام بیەن.
پەرلەمانتارو ئەمەپەی، سەڤدا کاراجای ئەرەیاوناش ئازادی چاپەمەنی تەنیا پەیوەس نیا بە ڕۆنامەواناوە، تا ڕۆنامەوانێوەما جە زینانەنە مەنۆوە کۆشییایما بەردەوام بۆ.
ئەرەیاوناکەی بە درووشمەو "چاپەمەنی ئازاد بێدەنک مەکریۆ" دمایش پنەئاما.
