مسەفا نیلی پارێزنەرو نێرگس موحەمەدیۍ جە پەلیانەو ئێکسو ۋێشەنە جە بارەو وەردای نێرگز محەمەدیێوە زینانیۍ سیاسیۍ جە گێرتەخانەو ئێۋینی پەیامێوەش وەڵا کەردۆ و ئاماژەش پانەی کەرڎەن، بەمەبەسو هۆرگێرتەی چارەسەری پزیشکی پەی ماوەو یەرۍ حەفتا نێرگس موحەمەدییە جە گێرتەخانەو ئێۋینینە وەردریێنە.

مسەفا نیلی ئانەیچش ئاشکراکەردەن، نێرگس موحەمەدیە زینانیەی سیاسیە جە گێرتەخانەو ئێۋینی براوۍ خەڵاتو نۆبڵی ئاشتی ٢٠٢٣ بەمەڵامەتوو خراپبیەی بارو تەندرووسیشۆ جە گێرتەخانەنە ئازاڎە کریێنە پەی هۆرگێرتەی چارەسەری پزیشکی و ماچۆ: " نێرگس موحەمەدیە بە مەڵامەتوو ڕەزامەڼی پزیشکی دادوەری و داواکارو گرڎیی تارانی پەی ماوەو یەرۍ حەفتا جە جبەرو زینانیۆ مەبۆ."

یاگۍ ئاماژەیەنە، نێرگس موحەمەدییە چالاکەو مافەکا مرۆڤی و براوۍ خەڵاتو نۆبڵی ئاشتیی، تەمەن ٥٢ ساڵە و جە ماوەو ٢٠ ساڵا ۋېیەردەینە زیاتەر جە ١٠ ساڵا تەمەنیش جە گێرتەخانەنە بەردەن سەر، کە جە مانگۊو نۆۋەمبەرو ٢٠٢١یوە ئینا گێرتەخانەو ئەۋینینە و جە مانگۊو حوزەیرانو ئێساڵی بە تۆمەتو "پروپاگەنڎەی دژو دۆڵەتی" بە ساڵێوەتەر زینانییکەردەی سزا دریاوە.