ساڵەو ٢٠١٤ینە دماو ئانەیە چەتەکاو داعشی موسڵشا گێرت، بەرەوە شەنگال لوێ و کۆکوشییەکاو فرێشا شەنگالنە کریێ. وەڵێ ئانەیە تەلەعفەرشا گێرت و فرەو خەڵکوو شیعەکاشا کوشتێ و هەزاران کەسێشا قەبرەی کۆمەڵەنە وستێ چێروو خاکیوە. یوە چا قەبرە بەکۆمەڵا دەسوو چەتەکاو داعشی، قەبرەی بەکۆمەڵەو عەلۆ عەنتەرینە. موچیۆ دلێشنە ٢ هەزار ڕوفاتێ قوربانییا دەسوو داعشیش چنە با، مەزندە مکریۆ فرەو ئا  قوربانییایچە ئێزیدییەکاو شەنگالینێ.

بە مەبەسوو وردایوە ئا قەبرە بەکۆمەڵا ئەرەمەرزیا پەیوەندیدارەکاو عێراقی، ئەورۆپس و ڕێکوزیاو UNITAD ئارۆ دەسشا بە وردایوە قەبرەی بەکۆمەڵەو عەلۆ عەنتەری کەرد، کە مگنۆ شارەکڵەو لیادیەو تەلعفەریوە.

وچیا هەرمانەکاو وردایوە و ئەوەکۆڵیایەکا بارەو قەبرەبەکۆمەڵەکاوە پەی ماوەو ٣ مانگا بەردەوام مبۆنێ.