وەزیروو وەرگێریی تورکی یاوا هەولێر
وەزیروو وەرگێریی تورکی دماو کۊبییەیۊکاو بەغڎایش چەنی وەرپەرساو عێراقی، بەرەو هەولێر کەوت ڕا، قەرارا چەنی سەرۊکوو هەرێمی، سەرۊکوەزیرانی و سەرۊکوو پەدەکەی کۊ بۊوە.
شاندوو وەرپەرساو تورکی، کە وەزیروو وەرگێریی یەشار گولەر و فەرماندەی گردینوو سوپۍ مەتین گوراک. دماو سەردایەکەو بەغڎای بەرەوە هەولێر کەوتۍ ڕا.
گولەر چەمپنەکەوتەێوە ئەوەڵینش چەنی سەرۊکوو هەرێمی کەردن.
ئەرەیاونیا وەزیروو وەرگێریی بەرگری چا سەردایەنە چەمش گنۊ بە سەرۊکوەزیرانوو حکومەتوو هەرێمی مەسرور بارزانی و سەرۊکوو پەدەکەی مەسعود بارزانی.
چی حەفتەو دماینە کۊمەڵۍ چەمپەنەکەوتەیۍ و کۊبییەیوۍ بەینوو شاندی تورکی و وەرپەرساو عێراقی و هەولێریینە کریێنێ.
حەر جە چوارچوەو ئی سەردایانە وەڵتەر ٢٢ کانوونوو دووەمینە ڕاوێژکاروو (میت) ئیبراهیم کاڵن سەرۍ عێراقیش دا و چەنی وەرپەرساو بەغڎای و هەولێری کۊ بیۊ. ٦ شوباتینە وەزیروو وەرگێریی تورکی یەشار گولەر و فەرماندەی گردینوو سوپۍ مەتین گوراک یاوۍ بەغڎا.
