یادکەردەیوەکاو ئەوروپاینە ئەوەخوای کریاوە، کە پەنەوازا بە ڕۆحوو مدرامانوو ١٤و تەموزیوە کۆشیای دژوو هجوومەکاو قڕکەرەی فرە بکریۆ، وچیا: "ئی گەلە مدرامانکەرەکا هۆش نمەبەرۆوە، ئا خیانەتکارایچە مەژگەنە مازۆوە کە وڵاتەکەما دانشا بە ئەرەگیرکەرا".
شارەکاو ئەوروپاینە ٤٢ەمین ساڵیادوو مدرامانوو "ڕۆچێ مەردەی گەورە"ـو کادرە سەرمەشقەکاو پەکەکەی کەمال پیر و خەیری دورموش و عاکیف یەڵماز و عەلی چیچەک، ١٤و تەمووزو ١٩٨٢، بە چالاکیی جیاواز یادێ کریێوە.
مانتێس لا جۆلی
مانتێس لا جۆلیی فەڕەنساینە یادکەردەیۆێوی ڕێک وزیا.
قسەکانە ئاماژە پانەیە کریا، مدرامانکەراو ١٤و تەمووزی بیێ سیمبولوو مدرامانی، هەرپاسە تەڤگەروو ئازادی سەیەو مدرامانوو ئادیشانە یاوایمێ ئارۆی، ئیساتێچ ئی مدرامانە ئیمراڵینە و کەشە ئازادەکانە و سەراپاو کوردستانینە وەڵابییەنۆ.
نانت
ئەرەمەرزیاو بنەیانەو گەشمەردا (کۆماو) شاروو نانتی فەڕەنساینە چالاکیێوی یادکەردەیوەش ڕێک وست.
ئەنداموو جڤاکی ئیسلامیی کوردستانی (جیک) مەلا ڕەشید سڵامش وەنەو مدرامانوو ١٤و تەموزی کەرد و واتش: "ئانە ژیوای ئینسانی مانادار مکەرۆ، کۆشیاین".
ئەنداموو مەجلیسوو گەلوو کوردی کاوە سەرهەڵدان، واتش: "ئی ڕۆحوو مدرامانەیە هەڵای ئایندەو ئێمە ڕۆشن مکەرۆوە". هەرپاسە تیشکەش وستە سەروو هامکاریی پەدەکەی پلانێوەنە پەی دلێنەبەردەی تەڤگەروو ئازادیی کوردی و واتش مشۆم ئێمە ئەرک ووەرپەرسیی تارێخییما بیاونمێ یاگێ و شایسێ گەشمەردا بیمێ.
دمایی سینڤزیۆنێوە دەربارەو گەشمەرداو ١٤و تەمووزی نیشانە دریا.
دان هاگ
شاروو دان هاگوو هۆڵەنداینە بە نامونیشانوو "ژمارە ٥"ی بەڵگەفیلمێوە دەربارەو مدرامانوو ڕۆچێ مەردەی گەورەو ١٤و تەموزی نیشانە دریا، جە قسەکانە بانگەواز کریا پەی مدرامانی پەی گەشمەردا و گەورەکەردەی کۆشیای دژوو فاشیزمی.
دارمشتات
پەی هەمان مەبەستی سەدان کوردستانیێ ناوەندوو جڤاکی دیموکراتیکوو کوردینە دارمشتاتوو ئەڵمانیاینە کوێ بیێوە.
قسەکانە ئاماژە پانەیە کریا شناسنامەی نەتەوەیی کوردی کەسێتیی قارەمانەکاشنە مدرامانوو ١٤و تەمووزی ژیواوە و وچیا: "قارەماناو مدرامانوو ١٤و تەمووزی لکەدریێ ڕابەر ئاپۆینێ، دژوو دەوڵەتی فاشیستوو تورکی ئیرادەشا نیشانە دا".
فرایبۆرگ
شاروو فرایبۆرگوو ئەڵمانیاینە چالاکیێوی یادکەردەیوە ڕێک وزیا.
سیاسەتمەدار کەمال ئاکتاش واتش ڕۆحوو ١٤و تەمووزیش چوارپارچەو کوردستانینە و بەتایبەت وەرنیشتنە بەرەو سەرکەوتەی بەرد.
چالاکییەکەنە گەشمەردە بروسک جولەمێرگ (ئاسلان قارەمان)، کە ٢ێ ئابوو ٢٠١٦ مەنبەجنە گەشمەردە یاد کریاوە، دماتەر سینڤزیۆنێوە نیشانە دریا و درووشـموو "گەشمەردێ نمەمرا" و "بژیوۆ سەرۆک ئاپۆ" بەرزێ کریێوە.
هامبۆرگ
شاروو هامبۆرگوو ئەڵمانیاینە بە سەرمەشقایەتیی کۆمیسیۆنوو بنەیانەو گەشمەرداو هامبۆرگی (دەکتەم) چالاکیێوە ڕێک وزیا.
دماو دەیەقێوە ڕێزگێرتەی وەنەو گەشمەردا، نوێنەروو کۆماوی و هامسەرۆکوو فەد-مەدی قسێشا کەردێ، ئەوەخوای کریاوە مدرامانوو ١٤و تەمووزینە هەردەم ئیلهامبەخشێنێ، گەلوو کوردی ئی مدرامانەیە ویر نمەبەرۆوە، هەرپاسە خیانەتوو پەدەکەیچ هۆش نمەبەرۆوە، وچیا: "مسۆگەرکەردەی ئازادیی جەستەیی ڕابەر ئاپۆی، گەورەتەرین دیاریین پەی گەشمەردا ".
واڵێ یوە جە مدرامانکەراو ١٤و تەمووزی محەمەد خەیری دورموش، ئایتەن دورموش واتش هەردەم سەروو ڕاو گەشمەرداوە مبانێ، سەرە نمەکۆمنارە.
دماتەر سینڤزیۆنێوە نیشانە درا.
پاریس/ئێڤری
ناوەندوو جڤاکی کوردی دیموکراتیکوو ئێڤریینە چالاکیێوە کریا.
دماو دەیەقێوە ڕێزگێرتەی وەنەو گەشمەردا بەدرەدین کاڤاک باسوو هەلومەرجوو ١٤و تەمووزی و کەسێتی و هەڵوێستوو گەشمەرداو ١٤ تەمووزی کەرد، واتش: "ئەگەر ئارۆ پەکەکە هەرێمەکەنە و جیهانەنە بییەن هێزێوی کاریگەر، ئانە سەیەو مدرامانوو ١٤و تەمووزیوەن".
دمایی سینڤزیۆنێوە دەربارەو گەشمەرداو ١٤و تەموزی نیشانە دریا.
بازل
بە سەرمەشقایەتیی کۆماوی، بە بەشداریی بنەیانەو گەشمەردا و ئەنداماو مەجلیسوو کوردی دیموکراتیکوو سویسرای (جەدەکە-سە) و یۆبییەی ژەنە کورداو سویسرای (یەژەکە-سە) شاروو بازلوو سویسراینە چالاکیێوی یادکەردەیوە کریا.
پاش دەیەقێوی ڕێزگێرتەی وەنەو گەشمەردا، بە نامێ کۆماویوە فیدان شەنتورک قسێش کەردێ، واتش: "ئێمە سەیەو گەشمەرداوە یاوێنمێ پی ڕوەیە، بە ڕێزەوە یادوو گردوو گەشمەردا مکەرمێوە".
سدیق باتور کە ٣٠ ساڵێ زیندانەنە بییەن، گەشمەرداو ١٤و تەمموزیش یادێ کەردێ و داواش کەردە پەی گەورەکەردەی مدرامانی.
